NASA დედამიწის მოსახლეობას აფრთხილებს, რომ მზის მიმდინარე აქტივობა ბევრად აღემატება მეცნიერების მიერ ნავარუდევ პროგნოზებს, რის გამოც მის ზედაპირზე მომხდარი აფეთქებების, ქარიშხლებისა და კოსმოსურ ამინდთან დაკავშირებული სხვა მოვლენების რაოდენობა მკვეთრად იზრდება.
როგორც წესი, მზის აქტივობა11-წლიან ციკლს მოიცავს და მისი ბოლო აქტივობა 1980- წლიდან 2008 წლამდე თანდათან მცირდებოდა, მკვლევარები ელოდნენ, რომ ეს ტენდენცია გაგრძელდებოდა თუმცა, აშშ-ის კოსმოსური სააგენტოს ახალმა კვლევამ აჩვენა, რომ 2008 წლიდან მზე სულ უფრო აქტიური ხდება.
"ყველა ნიშანი იმაზე მიუთითებდა, რომ მზე ხანგრძლივი, დაბალი აქტივობის ფაზაში შედიოდა" – განაცხადა მკვლევარმა ჯეიმი ჯასინსკიმ, რომელიც NASA-ს რეაქტიულ ძრავათა ლაბორატორიის ხელმძღვანელობს. "ამიტომაც მოულოდნელი იყო ამ ტენდენციის შემობრუნება. მზე ნელ-ნელა იღვიძებს".
- მზის აქტივობის ზრდის ერთ-ერთი მთავარი შედეგი დედამიწაზე კომუნიკაციების სისტემების შეფერხებაში გამოიხატება. ვარსკვლავის ზედაპირზე კორონალური მასის ამოფრქვევები (CME) და აფეთქებები, რადიოკავშირის შეფერხებას და სატელიტების დაზიანებას იწვევენ, რასაც GPS-ის შეცდომები და ელექტროქსელების ავარიები მოჰყვება.
მზის მიერ ამ მოვლენების დროს გამოყოფილი დამუხტული ნაწილაკები დედამიწის ატმოსფეროსა და მაგნიტურ ველს არღვევენ, რის შედეგადაც დედამიწის ჩრდილოეთისა და სამხრეთში, ცაში, ძლიერი ნათებები (ავრორები) ფიქსირდება.
ასტრონომები მზის აქტივობას 1600-იანი წლებიდან აკვირდებიან. ერთ-ერთი ყველაზე, ხანგრძლივი ანომალიური პერიოდი 1790-1830 წლებში დაფიქსირდა, რის განმალობაში მნათობი “ჩაჩუმდა “თუმცა ჩვენ დღემდე დანამდვილებით არ ვიცით, რატომ შევიდა 1790 წლიდან მზე 40-წლიან აქტივობის მინიმუმში“ აცხადებს დოქტორი ჯასინსკი.
