მიტანის სერვისის სფეროში ლიდერი ფინური კომპანია „ვოლტი“ მომხმარებელს ფასდაკლებების მორიგ მასშტაბურ კამპანიას სთავაზობს. 50%-მდე ფასდაკლებებით სარგებლობა პირველი აპრილიდან მთელი თვის განმავლობაში იქნება შესაძლებელი.
მომხმარებელს, ვოლტის პლატფორმის გამოყენებისას, ვოლტ მარკეტზე და ვოლტის პარტნიორ ობიექტებში, რომელთა შორის არიან გასტრონომი, კარფური, სპარი, გუდვილი და ევროპროდუქტი, ფასდაკლებებთან ერთად, განსაკუთრებული სააღდგომო შეთავაზებებიც ელოდება.
მასშტაბური, 50%-მდე ფასდაკლებების კამპანია მთელი აპრილის განმავლობაში გაგრძელდება.
ვოლტი მომხმარებელს სიახლეებით, ფასდაკლებებითა და სხვადასხვა სახის შეთავაზებებით მუდმივად ანებივრებს. მოქნილი და კომფორტული სერვისით მომხმარებლის უზრუნველყოფა და მუდმივი დამატებითი ღირებულების შექმნა ვოლტისთვის პრიორიტეტია და კომპანია ამ მიმართულებით კიდევ არაერთი სიახლის შეთავაზებას გეგმავს.
დღეისათვის, ვოლტის აპლიკაციით კერძების, სხვადასხვა პროდუქტის თუ მომსახურების შეკვეთა საქართველოს 9 ქალაქშია შესაძლებელი და მისი სერვისით ყოველდღიურად ათასობით მომხმარებელი სარგებლობს. ამასთან, მუდმივად ფართოვდება იმ ქალაქების ჩამონათვალი, სადაც ვოლტის სერვისით სარგებლობა ხელმისაწვდომია.