თუ არსებობდა Mercedes-Benz-ის ეპოქა, როცა ბრენდი სრულყოფილ სპორტულ სედანებს ქმნიდა, მისი მთავარი სიმბოლო სწორედ 500 E / E 500 (W124) იყო. ახლა კი ამ მოდელის უკანასკნელი გამოშვებული ეგზემპლარი Mercedes-Benz Museum-ში გამოიფინა — ავტომობილი, რომელიც Porsche-ს მონაწილეობით შეიქმნა და დღეს უკვე კოლექციონერების წმინდა გრაალად ითვლება.
1990-იან წლებში Mercedes-ს სურდა BMW M5-ის კონკურენტი შეექმნა, მაგრამ საკუთარი რესურსები დაკავებული ჰქონდა. სწორედ ამიტომ პროექტში ჩართეს Porsche. Porsche-მ გადაამუშავა შასი, დაკიდება და საბოლოო აწყობაც საკუთარ ქარხანაში, ზუფენჰაუზენში აწარმოა.
მანქანას ჰქონდა 5.0-ლიტრიანი V8 ძრავი, დაახლოებით 322 ცხენის ძალა და 0-100 კმ/სთ აჩქარება დაახლოებით 6 წამში — იმ დროისთვის ეს სუპერსედანის მაჩვენებელი იყო. თანაც გარედან ძალიან თავშეკავებულად გამოიყურებოდა, რის გამოც მას ხშირად „wolf in sheep’s clothing“-საც ეძახდნენ.
ახლა მუზეუმში გამოფენილი ბოლო წარმოებული ეგზემპლარი მხოლოდ 262 მილი გარბენითაა შემონახული, რაც პრაქტიკულად ახალი ავტომობილის სტატუსს ნიშნავს. ასეთ მანქანებზე ფასები ბოლო წლებში მუდმივად იზრდება.
ეს უბრალოდ ძველი Mercedes არაა — ეს არის დრო, როცა Mercedes და Porsche ერთად ქმნიდნენ იმას, რასაც დღეს უკვე ლეგენდას ეძახიან.
წყაროები, რომლებსაც ავტორი სტატიის მომზადებისას დაეყრდნო:
- https://www.carscoops.com/2026/04/mercedes-w124-e500-museum/
- https://www.autoblog.com/news/why-porsche-built-this-mercedes-and-why-its-back-on-display
- https://newsroom.porsche.com/en/2021/history/porsche-commissioned-project-mercedes-benz-500-e-30th-anniversary-24575.html
- https://en.wikipedia.org/wiki/Mercedes-Benz_500_E
