ალკოჰოლის მოხმარება მამაკაცებში სიცოცხლის ხანგრძლივობას უფრო მეტად ამცირებს ვიდრე ქალებში, - ასეთ დასკვნას მოიცავს ბრიტანულ სამეცნიერო გამოცემა Nature-ში გამოქვეყნებული კვლევა.
მეცნიერთა აზრით, ალკოჰოლის მოხმარება მამაკაცებს სიცოცხლეს საშუალოდ 1,5 წლით აკლებს.
ჰონგ-კონგის უნივერსიტეტის მკვლევარებმა გააანალიზეს 2,5 მილიონი ადამიანის შესახებ ინფორმაცია დიდი ბრიტანეთის გენეტიკური მონაცემების ბანკიდან. მათ გაითვალისწინეს სიცოცხლის ხანგრძლივობაზე არა მხოლოდ ალკოჰოლის, არამედ მოწევის, გენეტიკური დაავადებების და სხვა ფაქტორების გავლენა. მეცნიერთა აზრით, ალკოჰოლს არც მამაკაცებისთვის და არც ქალებისთვის სარგებელი არ მოაქვს, მაგრამ ზოგიერთ შემთხვევაში მას შეუძლია სიცოცხლის ხანგრძლივობის შემცირება.
შედეგების მიხედვით, ალკოჰოლი უდიდეს ზიანს აყენებს ხანდაზმულებს, განსაკუთრებით ხანდაზმულ მამაკაცებს. ქალისა და მამაკაცის ორგანიზმი ალკოჰოლს განსხვავებულად ცვლის: ერთნაირი რაოდენობით ალკოჰოლის მიღების შემდეგ, მისი კონცენტრაცია ქალებში უფრო მაღალია. გარდა ამისა, მამაკაცები შეიძლება უფრო მგრძნობიარენი იყვნენ ალკოჰოლის მოხმარების გრძელვადიანი ეფექტების მიმართ, ვიდრე ქალები.
მეცნიერთა აზრით, ალკოჰოლი იწვევს კიბოს, ღვიძლის დაავადებებს და ფსიქიკურ პრობლემებს. ალკოჰოლის დალევის სარგებელი ყველაზე ხშირად დაკავშირებულია გულ-სისხლძარღვთა სისტემასთან, რადგან ის ზრდის HDL ქოლესტერინს (ე.წ. "კარგი" ქოლესტერინი), ამცირებს სისხლის შედედებას და აქვს ანტიოქსიდანტური თვისებები.
