საქართველოს დერეფანში ტრაილერების რაოდენობა, შესაბამისად, ბიუჯეტში გადახდილი თანხა შემცირდა.
უფრო კონკრეტულად, ნაერთი ბიუჯეტის შემოსულობების მიხედვით (კონსოლიდაციის გარეშე), წელს იანვარ-ნოემბერში სატვირთო ავტომობილების გატარებიდან ხაზინაში 155 424 977 ლარი შევიდა, 2024 წლის 11 თვეში 164 486 563 ლარი.
შესაბამისად, ბიუჯეტში გზათსარგებლობის საფასურით მიღებული შემოსავალი 2025 წლის იანვარ-ნოემბერში, წინა წლის ანალოგიურ პერიოდთან შედარებით, 9 061 586 ლარით შემცირდა.
არსებული ფინანსური მაჩვენებლებიდან გამომდინარე, 2025 წლის 11 თვეში საქართველოს დერეფანი 444 071-მა სატვირთომ გადაკვეთა, წინა წლის ანალოგიურ პერიოდში კი 469 961-მა ტრაილერმა. გამოდის, წელს, ქვეყნის საზღვარი 25 890 ტრაილერით ნაკლებმა გადაკვეთა.
ცნობისთვის, საქართველოს საზღვარზე სატრანზიტო ტრაილერებისთვის გზათსარგებლობის მოსაკრებელი 350 ლარს შეადგენს. აღნიშნული ტარიფი 2022 წლის 20 ივნისიდან მოქმედებს. მანამდე მძღოლებს 200 ლარის გადახდა უწევდათ.
