2024 წლის აგვისტოში, ჯამური უნაღდო დანახარჯების მოცულობა და უნაღდო ტრანზაქციების რაოდენობა წლიურად მზარდია.
„თიბისი კაპიტალის“ ინფორმაციით, არარეზიდენტების უნაღდო დანახარჯები წლიურად კვლავ იზრდება. სასტუმროებში როგორც წლიური უნაღდო დანახარჯები, ასევე ტრანზაქციის საშუალო ზომა გაზრდილია.
„2024 წლის აგვისტოში, არარეზიდენტების უნაღდო დანახარჯები, თიბისი ბანკის არხებით, წლიურად, 55%-ით გაიზარდა“, - ნათქვამია „თიბისი კაპიტალის“ ანგარიშში.
რაც შეეხება „თიბისი ბანკის“ არხებით, სასტუმროებში უნაღდო დანახარჯების ზრდის ტემპს, ის მნიშვნელოვნად გაიზარდა და 65% შეადგინა. ტრანზაქციაზე საშუალო დანახარჯი 386 ლარამდე გაიზარდა.
