საქართველოში ერთ სულ მოსახლეზე მშპ-ს მაჩვენებელი 9.61 ათას დოლარს შეადგენს, რაც სამხრეთ კავკასიის ქვეყნებთან შედარებით ყველაზე მაღალია. მეზობელ ქვეყნებს შორის კი, საქართველო მესამე პოზიციაზე იმყოფება.
უფრო კონკრეტულად, საერთაშორისო სავალუტო ფონდის ბოლო მონაცემებით, რეიტინგი ასე გამოიყურება:
- თურქეთი - 16.88 ათასი დოლარი
- რუსეთი - 15.08 ათასი დოლარი
- საქართველო - 9.61 ათასი დოლარი
- სომხეთი - 8.86 ათასი დოლარი
- აზერბაიჯანი - 7.43 ათასი დოლარი
რაც შეეხება მსოფლიოს, სავალუტო ფონდის მონაცემებით, ერთ სულ მოსახლეზე მშპ-ს მაჩვენებლით ლუქსემბურგი ლიდერობს, მას მოსდევს შვეიცარია, მესამე ადგილზე კი ირლანდიაა.
10 ქვეყანა, სადაც ერთ სულ მოსახლეზე მშპ-ს მოცულობა ყველაზე მაღალია:
- ლუქსემბურგი - 141.08 ათასი დოლარი
- შვეიცარია - 111.72 ათასი დოლარი
- ირლანდია - 107.24 ათასი დოლარი
- სინგაპური - 93.96 ათასი დოლარი
- ნორვეგია - 90.32 ათასი დოლარი
- ისლანდია - 90.11 ათასი დოლარი
- აშშ - 89.68 ათასი დოლარი
- მაკაო - 84.28 ათასი დოლარი
- კატარი - 72.76 ათასი დოლარი
- დანია - 71.97 დოლარი
როგორც ცნობილია, მთლიანი შიდა პროდუქტი ქვეყნის სიმდიდრისა და ეკონომიკური სიძლიერის მაჩვენებელიცაა. მშპ ერთ სულ მოსახლეზე დაანგარიშება კი ხდება ქვეყნის მთლიანი შიდა პროდუქტის მოსახლეობის რიცხვთან შეფარდებით.
წყარო: bpn.ge
