საკონსულტაციო გიგანტმა McKinsey & Co-მ ხელოვნური ინტელექტის ეკონომიკური პოტენციალის შესახებ გენერაციული მოცულობითი ანგარიში გამოაქვეყნა, სადაც ნათქვამია, რომ ხელოვნური ინტელექტს მსოფლიო ეკონომიკაში ტრილიონობით დოლარის შემატების პოტენციალი აქვს.
AI–ს შეუძლია ყოველწლიურად 2,2-დან 4,4 ტრლნ-მდე გაზარდოს გლობალური ეკონომიკა. შედარებისთვის, 2021 წელს დიდი ბრიტანეთის მთლიანი შიდა პროდუქტი 3,1 ტრილიონი დოლარი იყო.
ხელოვნური ინტელექტის გამოყენების ღირებულების დაახლოებით 75% კონცენტრირებულია მხოლოდ ოთხ სფეროში: სამომხმარებლო ოპერაციები, მარკეტინგი და გაყიდვები, პროგრამული უზრუნველყოფა, კვლევა და განვითარება (R&D). კომპანიამ 63 ტექნოლოგიური აპლიკაციის სცენარი 16 ბიზნეს ფუნქციით გააანალიზა, სადაც AI-ს შეუძლია კონკრეტული ბიზნეს გამოწვევების გადაჭრა ერთი ან მეტი ხელშესახები შედეგის მიღწევით. მაგალითად, გენერაციულ AI-ს შეუძლია ხელი შეუწყოს მომხმარებლებთან ინტერაქციას, შექმნას კრეატიული კონტენტი მარკეტინგისა და გაყიდვებისთვის და შექმნას კომპიუტერული კოდი ენის მოდელებზე დაყრდნობით.
გენერაციული AI მნიშვნელოვნად იმოქმედებს ყველა ინდუსტრიაზე. ყველაზე მეტად, ხელოვნური ინტელექტის გავლენა შეიძლება იგრძნოს საბანკო, მაღალტექნოლოგიურმა და ფარმაცევტულმა ინდუსტრიამ. საბანკო ინდუსტრიაში ტექნოლოგიების გავლენამ შეიძლება დამატებით 200-340 მილიარდ დოლარი მოიზიდოს ყოველწლიურად. საცალო ვაჭრობისა და სამომხმარებლო წარმოებაში, ხელოვნური ინტელექტის პოტენციური გავლენა წელიწადში 400-660 მილიარდი დოლარი იქნება.
გენერაციული ხელოვნური ინტელექტი უფრო დიდ გავლენას ახდენს გონებრივ მუშაობასა და უფრო მაღალი ანაზღაურების მქონე პროფესიებზე. კვლევაში ნათქვამია, რომ 2030-2060 წლებისთვის, დღევანდელი სამუშაო ნაკადების ნახევარი შეიძლება ავტომატიზებული იყოს.
