2026 წლის პირველ ნახევარში საქართველოსა და ევროკავშირს შორის საგარეო სავაჭრო ბრუნვა მცირედით გაიზარდა. იანვარ-ივნისში ევროკავშირის 27 წევრ ქვეყანასთან განხორციელებული ექსპორტისა და იმპორტის საერთო ღირებულებამ 2 მილიარდ 595 მილიონ დოლარს მიაღწია, რაც წინა წლის ანალოგიურ პერიოდთან შედარებით 1.2%-ით მეტია.
მიუხედავად სავაჭრო ბრუნვის ზრდისა, საქართველოსა და ევროკავშირს შორის ვაჭრობაში კვლავ მკვეთრად უარყოფითი ბალანსი ფიქსირდება. ევროკავშირიდან საქართველოში იმპორტირებული საქონლის ღირებულებამ დაახლოებით 2 მილიარდ 208 მილიონი დოლარი შეადგინა, ხოლო საქართველოდან ევროკავშირის ქვეყნებში განხორციელებულმა ექსპორტმა 387.2 მილიონ დოლარს მიაღწია.
შესაბამისად, იმპორტმა ექსპორტს დაახლოებით 1 მილიარდ 821 მილიონი დოლარით გადააჭარბა.
გერმანია საქართველოს მთავარი სავაჭრო პარტნიორია
ოფიციალური სტატისტიკის მიხედვით, ევროკავშირის ქვეყნებს შორის საქართველოს უმსხვილესი სავაჭრო პარტნიორი კვლავ გერმანიაა. 2026 წლის პირველ ექვს თვეში ორ ქვეყანას შორის სავაჭრო ბრუნვამ 587.7 მილიონი დოლარი შეადგინა, თუმცა ეს მაჩვენებელი წლიურად 8.6%-ით შემცირდა.
გერმანიის შემდეგ საქართველოს უმსხვილესი სავაჭრო პარტნიორები არიან იტალია, ბულგარეთი, პოლონეთი, ნიდერლანდები და საფრანგეთი.
ევროკავშირის ქვეყნებთან სავაჭრო ბრუნვა ასე გადანაწილდა:
გერმანია — 587.7 მილიონი დოლარი;
იტალია — 259.1 მილიონი დოლარი;
ბულგარეთი — 237.8 მილიონი დოლარი;
პოლონეთი — 177.3 მილიონი დოლარი;
ნიდერლანდები — 176.3 მილიონი დოლარი;
საფრანგეთი — 169.3 მილიონი დოლარი;
ესპანეთი — 153.6 მილიონი დოლარი;
რუმინეთი — 142.9 მილიონი დოლარი;
ჩეხეთი — 129.3 მილიონი დოლარი;
ბელგია — 88.9 მილიონი დოლარი;
ლიეტუვა — 74.6 მილიონი დოლარი;
საბერძნეთი — 72.2 მილიონი დოლარი;
უნგრეთი — 56.9 მილიონი დოლარი;
ავსტრია — 36.6 მილიონი დოლარი;
ლატვია — 33.4 მილიონი დოლარი;
მალტა — 29.2 მილიონი დოლარი;
კვიპროსი — 27.5 მილიონი დოლარი;
შვედეთი — 26.3 მილიონი დოლარი;
სლოვენია — 23.8 მილიონი დოლარი;
დანია — 21.7 მილიონი დოლარი;
ირლანდია — 16.1 მილიონი დოლარი;
ფინეთი — 12.9 მილიონი დოლარი;
სლოვაკეთი — 12.7 მილიონი დოლარი;
პორტუგალია — 11.5 მილიონი დოლარი;
ესტონეთი — 8.9 მილიონი დოლარი;
ხორვატია — 5.5 მილიონი დოლარი;
ლუქსემბურგი — 2.8 მილიონი დოლარი.
ევროკავშირიდან ავტომობილების იმპორტი 35.4%-ით შემცირდა
ევროკავშირიდან საქართველოში შემოტანილ საქონელს შორის ყველაზე დიდი წილი კვლავ მსუბუქ ავტომობილებზე მოდის. თუმცა 2026 წლის პირველ ნახევარში ევროკავშირის ქვეყნებიდან ავტომობილების იმპორტი წლიურად 35.4%-ით შემცირდა და 271.6 მილიონი დოლარი შეადგინა.
იმპორტში მეორე ადგილს ნავთობი და ნავთობპროდუქტები იკავებს, რომელთა ღირებულებამ 260.3 მილიონ დოლარს მიაღწია. მესამე უმსხვილესი საიმპორტო პროდუქტი დაფასოებული სამკურნალო საშუალებებია, რომელთა იმპორტის ღირებულებაც 194 მილიონ დოლარს შეადგენდა.
ევროკავშირიდან საქართველოში იმპორტირებული უმსხვილესი სასაქონლო ჯგუფების ათეული ასეთია:
მსუბუქი ავტომობილები — 271.6 მილიონი დოლარი;
ნავთობი და ნავთობპროდუქტები — 260.3 მილიონი დოლარი;
დაფასოებული სამკურნალო საშუალებები — 194 მილიონი დოლარი;
სატელეფონო აპარატები — 42.1 მილიონი დოლარი;
სატვირთო ავტომობილები — 39.9 მილიონი დოლარი;
კოსმეტიკა და კანის მოვლის საშუალებები — 35.3 მილიონი დოლარი;
გამომთვლელი მანქანები — 28.3 მილიონი დოლარი;
კვების პროდუქტები — 28.1 მილიონი დოლარი;
სასმელების წარმოებაში გამოსაყენებელი ნარევები — 27.1 მილიონი დოლარი;
სიგარები და სიგარილები — 23.6 მილიონი დოლარი.
ევროკავშირში ქართული ექსპორტი 3.8%-ით გაიზარდა
2026 წლის იანვარ-ივნისში საქართველოდან ევროკავშირის ქვეყნებში ექსპორტირებული საქონლის ღირებულებამ 387 მილიონ 240 ათასი დოლარი შეადგინა. წლიურ ჭრილში ეს მაჩვენებელი 3.8%-ით გაიზარდა.
ევროკავშირის ბაზარზე საქართველოდან გატანილ პროდუქციას შორის პირველ ადგილზე ძვირფასი ლითონების მადნები და კონცენტრატებია. მათი ექსპორტის ღირებულებამ 67.5 მილიონი დოლარი შეადგინა, ხოლო გადაზიდვები წინა წლის ანალოგიურ პერიოდთან შედარებით თითქმის გაორმაგდა.
საანგარიშო პერიოდში გაიზარდა თხილისა და სხვა კაკლის, სპილენძის მადნებისა და კონცენტრატების, ასევე ნავთობისა და ნავთობპროდუქტების ექსპორტიც.
ევროკავშირში ექსპორტირებული უმსხვილესი სასაქონლო ჯგუფების ათეული ასე გამოიყურება:
ძვირფასი ლითონების მადნები და კონცენტრატები — 67.5 მილიონი დოლარი;
თხილი და სხვა კაკალი — 48.7 მილიონი დოლარი;
ფეროშენადნობები — 44.6 მილიონი დოლარი;
სპილენძის მადნები და კონცენტრატები — 43.5 მილიონი დოლარი;
ნავთობი და ნავთობპროდუქტები — 25.5 მილიონი დოლარი;
ღვინო — 19.1 მილიონი დოლარი;
ხის დაფანერებული პანელები — 11.1 მილიონი დოლარი;
ნაყოფი და მცენარის სხვა ნაწილები — 9.4 მილიონი დოლარი;
მინერალური და მტკნარი წყლები — 9.2 მილიონი დოლარი;
მზა ნაწარმი, მათ შორის ტანსაცმლის თარგები — 7.7 მილიონი დოლარი.
მონაცემები აჩვენებს, რომ ევროკავშირთან სავაჭრო ბრუნვის მცირედი ზრდის მიუხედავად, საქართველოს ექსპორტი იმპორტთან შედარებით კვლავ მნიშვნელოვნად მცირეა. ევროკავშირიდან ქვეყანა ძირითადად მაღალი ღირებულების ავტომობილებს, ენერგორესურსებს, მედიკამენტებსა და ტექნიკას ყიდულობს, ხოლო ქართული ექსპორტის მნიშვნელოვანი ნაწილი ნედლეულზე, მადნებზე, ფეროშენადნობებსა და სოფლის მეურნეობის პროდუქტებზე მოდის.
