ენერგეტიკის სექტორში ინვესტორთა ნაწილი, წინა-სამშენებლო გარანტიის წარდგენის ვალდებულებისგან შესაძლოა გათავისუფლდეს.
მთავრობის 515-ე დადგენილებაში შეტანილი ცვლილების მიხედვით, ქარის, მზის და 100 მგვტ.-მდე დადგმული სიმძლავრის ჰიდროელექტროსადგურები წინა-სამშენებლო გარანტიის წარდგენის ვალდებულებისგან მთავრობის გადაწყვეტილების საფუძველზე გათავისუფლდებიან.
როგორც Galt&Taggart-ის კვლევაშია ნათქვამი, ეს ცვლილება მიზნად ისახავს ახალი განახლებადი წყაროების აღმოჩენა-განვითარებას. არსებული წესის მიხედვით, როდესაც ინვესტორი იწყებს განახლებადი ენერგიის პროექტის განვითარებას, ის სახელმწიფოსთან პროექტის კვლევა-მშენებლობაზე მემორანდუმს აფორმებს. ნებისმიერი ინვესტორი ვალდებული იყო მთავრობისთვის წარედგინა გარანტია მგვტ-ზე 5 ათასი დოლარის მოცულობით კვლევის ეტაზე, ხოლო მშენებლობის ეტაპზე ან CFD-ს წამახალისებელ სქემაში ჩაბმის შემდგომ გარანტიების მიმართ მოთხოვნები იზრდებოდა.
ცვლილება 21 ოქტომბერს შევიდა ძალაში.
