უკრაინის უსაფრთხოების სამსახური ბიზნესმენ იგორ კოლომოისკის თაღლითობასა და დანაშაულებრივი გზით მოპოვებული ქონების ლეგალიზაციაში ადანაშაულებს.
ფორბსი კოლომოისკის ქონებას 1 მილიარდ დოლარად აფასებს. ბიზნესმენი „პრივატბანკის“ დამფუძნებელია, რომელიც 2016 წელს ნაციონალიზებული იქნა. ის ასევე იყო ნავთობგადამამუშავებელი კომპანიის Укртатнафта-სა და ნავთობისა და გაზის კომპანიის Укрнафты-ის უმსხვილესი აქციონერი, რომლებიც ასევე ნაციონალიზებული იქნა.
როგორც აღმოჩნდა უკრაინელი ბიზნესმენი მჭიდროდ არის დაკავშირებული საქართველოს ეკონომიკასთანაც
შეზღუდული პასუხისმგებლობის საზოგადოება „ჯორჯიან ამერიქენ ელოიზ“, ბ175619 /ლუქსემბურგის დიდი საჰერცოგო/ რომლის მფლობელებიც უკრაინელი ბიზნესმენები, გენადი ბოგოლიუბოვი და იგორ კოლომოისკი არიან, არის შპს „ჯორჯიან მანგანეზის“ 100%-ის მესაკუთრე, ასევე შპს “ვარციხე 2005-ის“ 100%-ის მესაკუთრე და შპს „ჯი-ეი-ეი მენეჯმენტის“ 100%-ის მფლობელი, ეს უკანასკნელი „ჯორჯიან ამერიქენ ელოიზის“ ქართული აქტივების მმართველ კომპანიას წარმოადგენდა.
კოლომოისკის კავშირები აქვს საქართველოში კრიპტოვალუტების მაინინგთანაც. საქმე ეხება შპს „ბლოქფაუერს“, რომლის დირექტორი და 30%-იანი წილის მფლობელი ალექსანდრე კუჭუხიძეა, დანარჩენი მეწილეები კი იგორ კოლომოისკისთან დაკავშირებული პირები არიან. 24% - ურიელ ცვი ლაბერი (ჯორჯიან ამერიქენ ელოიზის სამეთვალყურეო საბჭოს წევრი), 23% ვლადიმირ ჩერტოკი (იგორ კოლომოისკის დის, ლარისას მეუღლე) და 23% ტიმურ მინდიჩი (კოლომოისკის ბიზნესპარტნიორი)
კოლომოისკის სახელს უკავშირდება რუსთავის ავტობაზრობაც.
შპს „რუსთავის ავტობაზრობის“ 100%-ს ბელიზში რეგისტრირებული კომპანია შპს „მიკადო ინვესტმენტს“ ფლობს, დირექტორი კი უკრაინის მოქალაქე ევგენ უსტინოვია. „მიკადო ინვესტმენტსის“ საბოლოო ბენეფიციარები ოფიციალურად უცნობია, თუმცა უკრაინულ მედიაში ბოლო მრავლად მოიძებნება მასალა, სადაც „მიკადო ინვესტმენტ“ და შესაბამისად „რუსთავის ავტობაზრობას“ ღიად აკავშირებენ იგორ კოლომოისკთან და გენადი ბოგოლიუბოვთან.
რუსთავის ავტოვაზრობა რამდენიმე ნაწილს მოიცავს. შპს „მიკადო-ჯორჯიას“ (მასზე მდებარე მიწის ნაკვეთი და შენობები და ნაგებობები), შპს „რუსთავის ავტობაზრობა“ (კომერციული ობიექტი და მისი მმართველი კომპანია), შპს „რუსთავი-ტერმინალ პლუსი“ (საბაჟო ზონის ოპერატიული მართვა), შპს „რუსთავი-კომფორტი“ (სასტუმრო და კვების ობიექტები).
ბიზნესის რეესტრის 2023 წლის მარტის მონაცემებით ობიექტების უმრავლესობას კვლავ „მიკადო ინვესტმენტი“ ფლობს, რომლის დირექტორიც კვლავ ევგენ უსტინოვია. აღსანიშნავია, რომ „მიკადო ინვესტმენტი“ „რუსთავი ტერმინალ პლუსის“ 75% ფლობს 25%-ს კი შპს „ლინკოლნ მენეჯმენტ ჯორჯია“ (თავის მხრივ ამ კომპანიის 75%-ის მფლობელი კვლავ „მიკადო ინვესტმენტია“ 25%-ის კი შპს „ვი-ტი კომპანი“, რომლის 100%-ის მფლობელი ისევ „მიკადო ინვესტმენტია“, დირექტორი კი ევგენ უსტინოვი).
2021 წლის მარტიდან ის და მისი ოჯახი აშშ-ს სანქციების ქვეშ იმყოფებიან. ჯერჯერობით, უცნობია რა ბედი ელის კოლომოისკის ქონებას, როგორც უკრაინაში, ისე მის საზღვრებს გარეთ.
