პორნოგრაფიული პლატფორმა OnlyFans-ის მფლობელი, ლეო რადვინსკი 43 წლის ასაკში გარდაიცვალა.
Reuters-ის მიერ ორშაბათს მიღებული კომპანიის განცხადების თანახმად, რადვინსკი კიბოთი გარდაიცვალა.
„ღრმა მწუხარებით ვაცხადებთ ლეო რადვინსკის გარდაცვალებას. ლეო მშვიდად გარდაიცვალა კიბოსთან ხანგრძლივი ბრძოლის შემდეგ,“ - განაცხადა OnlyFans-ის წარმომადგენელმა.
რადვინსკი უკრაინაში დაიბადა და ჩიკაგოში გაიზარდა, სადაც Northwestern University დაამთავრა ეკონომიკის ბაკალავრის ხარისხით.
Forbes-ის მიხედვით, 2024 წელს OnlyFans-ით რადვინსკი ყოველდღიურად 1.9 მილიონ დოლარს გამოიმუშავებდა.
რადვინსკი ასევე ხელმძღვანელობდა ვენჩურული კაპიტალის ფონდს, რომელიც 2009 წელს დააფუძნა და რომელიც ტექნოლოგიურ კომპანიებში ინვესტირებაზე იყო ორიენტირებული.
Forbes-ის შეფასებით, მისი ქონება გარდაცვალების დროს 4.7 მილიარდ დოლარს შეადგენდა.
