ბიძინა ივანიშვილის ქონება ამ თვეში ბოლო 10 წლის რეკორდულ მაჩვენებლამდე გაიზარდა - ინფორმაციას, Bloomberg Billionaires Index-ის ავრცელებს.
12 ივლისის მონაცემებით, "ქართლი ოცნების" დამფუძნებლის ქონება $6.2 მილიარდს შეადგენს, რაც ყველაზე მაღალი მაჩვენებელია 2013 წლის შემდეგ, როცა ივანიშვილის ქონება $6.4 მილიარდი იყო.
გამოცემის ცნობით,მილიარდერის ქონების უდიდესი ნაწილი დაკავშირებულია აქტივებთან, რომელთა შესახებაც წვდომა შეზღუდულია.
Bloomberg-ის თანახმად, ივანიშვილი $5.15 მილიარდს ნაღდი ფულის სახით ფლობს, დანარჩენი კი კერძო აქტივებში აქვს დაბანდებული. კერძო აქტივებიდან $45 მილიონი უძრავ ქონებაზე, $1 მილიარდი კი ხელოვნების ნამუშევრებზე მოდის.
დღევანდელი მონაცემებით, ივანიშვილი პლანეტის 500 უმდიდრესი ადამიანის სიაში 411-ე ადგილს იკავებს.
