სამეზობლოს პრობლემების გადაწყვეტა ახლა გაცილებით მარტივია – „სითიქომი“ მობინადრეებს დროს და ენერგიას უზოგავს.
თანხის შეგროვება, უსაფრთხოების უზრუნველყოფა და საერთო სივრცეების მართვა ხშირად ბევრ დროს და ძალისხმევას მოითხოვს, თუმცა, „სითიქომთა“ თანამშრომლობით ეს ყველაფერი ერთ სივრცეში ერთიანდება.
კომპანიის ექაუნთ მენეჯერი ნათია ორახელაშვილი „კომერსანტთან“ ამბობს, რომ კომპანიის 260 000 აბონენტიდან 208 000 მოსახლე სამეზობლოს ყოველდღიურობაში ჩართულია.
„კორპუსების პრობლემების აღმოსაფხვრელად რომ ძალიან დიდი დრო ეკარგებოდათ მობინადრეებს, ახლა უკვე „სითიქომის“ დახმარებით, ეს საზრუნავი სრულად მოხსნილი აქვთ.
განსაკუთრებით აღსანიშნავია ყოველთვიური საზრუნავები: კორპუსისთვის თანხის შეგროვება და უსაფრთხოების სერვისების გამოყენება. „სითიქომს“ უპირატესობას გამჭვირვალობის გამო ანიჭებენ, რადგან ყველას სმარტფონში ხელმისაწვდომია და შეუძლიათ მარტივად ნახონ, რაში იხარჯება მათი ფინანსები. ყველა პროცესში კორპუსის პირადი მენეჯერი სრულად არის ჩართული და სამეზობლოსთან ერთად აორგანიზებს პრობლემურ საკითხებს.
ჩვენ განსაზღვრული გვაქვს ზრუნვის ინდექსი, რომელიც ჩვენი ფორმულით, უკვე 80% უტოლდება. ეს ნიშნავს, რომ დღეის მდგომარეობით, 260 000 აბონენტი გვყავს და 208 000 აქტიური მომხმარებელი“,- აღნიშნა ნათია ორახელაშვილმა.
ახალ კორპუსებში შესახლება ხშირად მობინადრეებისთვის უამრავ სირთულეს უკავშირდება, განსაკუთრებით მაშინ, როდესაც საქმე უსაფრთხოებასა და საერთო ხარჯების მართვას ეხება.
კორპუსის მენეჯერი, ქეთევან ნოზაძე „კომერსანტის“ ეთერში ჰყვება, რომ „სიითიქომთან“ თანამშრომლობა სანდოობას ზრდის, გარდა ამისა, განსაკუთრებული სერვისია - თავისუფალი თანხის შენახვა, რომლითაც მის კორპუსში განათებების მოწყობაა დაწყებული.
„სითიქომთან“ წელიწადზე მეტია, ვთანამშრომლობთ. ჩვენ ახალაშენებულ კორპუსში შევსახლდით და იმ დროისთვის პრიორიტეტული უსაფრთხოების სისტემა იყო. „სითიქომის“ მომსახურება გვეხმარება ყოველთვიური ხარჯების მენეჯმენტში, მაგრამ, ამის გარდა, მათი მომსახურება საშუალებას გვაძლევს თავისუფალი თანხა გაჩნდეს, რასაც ერთად განკარგავთ.
მაგალითად, ჩვენ ამ თვეში 10 სართულის განათება მოვაწყვეთ. „სითიქომთან“ თანამშრომლობა სამეზობლოს ნდობას ამაღლებს და შემიძლია ვთქვა, რომ ამ ეტაპზე, სამეზობლოს 90%-ი აქტიური მოსახლეა“,- აღნიშნა ქეთევან ნოზაძემ.
