აშშ-ს საიდუმლო სამსახურმა 22 თებერვალს განაცხადა, რომ შეიარაღებულმა პირმა ფლორიდაში პრეზიდენტი დონალდ ტრამპის მარ-ა-ლაგოს რეზიდენციის პერიმეტრი დაარღვია, რის გამოც მას ესროლეს და მოკლეს.
სააგენტოს სპიკერის თქმით, 21 წლის კაცი, რომელიც ფლორიდაში ჩრდილოეთ კაროლინის შტატიდან ჩავიდა, ბენზინის კანისტრითა და თოფით იყო შეიარაღებული. განცხადების მიხედვით, რამდენიმე დღის წინ ოჯახმა ის დაკარგულად გამოაცხადა და გამომძიებლები თვლიდნენ, რომ ის სამხრეთისკენ გაემგზავრა.
საიდუმლო სამსახურის სპიკერის მიხედვით, ინციდენტის შემდეგ მოკლული კაცის მანქანაში იარაღის ყუთი იპოვეს. საკითხზე ინფორმირებულმა წყარომ Associated Press-ს განუცხადა, რომ გამომძიებლების მიხედვით, მოკლულის სახელი და გვარი ოსტინ ტაკერ მარტინია.
