გერმანული ავტომწარმოებელი Porsche შეამცირებს თავისი მოდელების ხაზს და გააძლიერებს თანამშრომლობას Volkswagen ჯგუფთან, რომელსაც ის ეკუთვნის. კომპანიის მოგება მცირდება შეერთებული შტატების მიერ დაწესებული ტარიფებისა და ჩინეთში სუსტი მოთხოვნის გამო, იტყობინება Bloomberg.
Porsche ამჟამად ექვსი ძირითადი მოდელის დაახლოებით 85 ვარიანტი აქვს წარმოდგენილი. მათ შორისაა Taycan ელექტრომობილის რამდენიმე ვერსია, კერძოდ, Sport Turismo ვაგონი და Cross Turismo SUV.
კომპანიის ახალი აღმასრულებელი დირექტორის, მაიკლ ლაიტერსის თქმით, მოდელების ასორტიმენტი ზედმეტად რთული გახდა, კონკურენტებთან შედარებითაც კი.
„თუ კონკურენციას ნაკლები მოდელი გაუწევს, ეს მნიშვნელოვნად გააუმჯობესებს კაპიტალის ეფექტურობას“, - ამტკიცებს ის.
