Bloomberg-ის ცნობით, ჩიპების დეფიციტი ტექნოლოგიური კომპანიების მოგებაზე უარყოფითად მოქმედებს და ელექტრონიკიდან დაწყებული ავტომობილებით დამთავრებული ყველაფრის ფასების ზრდას იწვევს.
დეკემბრიდან-იანვრამდე ოპერატიული მეხსიერების ზოგიერთი სახეობის ღირებულება დაახლოებით 75%-ით გაიზარდა.
როგორც გამოცემა წერს, ეს ყველაფერი ხელოვნური ინტელექტის ბუმის დამსახურებაა: თანამედროვე მოდელებს მეხსიერების კოლოსალური რაოდენობა სჭირდებათ, ამიტომ მწარმოებლებს სიმძლავრეები ყველაზე მომგებიან ჩიპებზე გადააქვთ.
Fortune-ის ცნობით, Tesla-მ და Apple-მა უკვე გააფრთხილეს, რომ მეხსიერების დეფიციტი - მათი მოწყობილობების მნიშვნელოვანი კომპონენტი - მთელი წლის განმავლობაში წარმოებას შეზღუდავს.
