დიდი ბრიტანეთის მთავრობამ ინიცირება გაუწია $3.5 მილიარდის მოცულობის ინვესტიციას დუბაის ახალ ფლაგმანურ აეროპორტში, რომელიც დასრულების შემდეგ, ამჟამინდელ დუბაის საერთაშორისო აეროპორტზე (DXB) ხუთჯერ დიდი იქნება.
2025 წლის 18 ნოემბერს, Dubai Airshow-ზე, დიდი ბრიტანეთის ვაჭრობის მინისტრმა, სერ კრის ბრაიანტმა, წარადგინა „ინტერესის გამოხატვის“ წერილი (Expression of Interest) ალ მაქთუმის საერთაშორისო აეროპორტში (DWC) მრავალმილიარდიანი ინვესტიციის შესახებ.
დიდი ბრიტანეთის საექსპორტო ფინანსები (UKEF) ცდილობს უზრუნველყოს ინვესტიცია, რომელიც საშუალებას მისცემს ბრიტანულ კომპანიებს, ჩაერთონ აეროპორტის $35 მილიარდიანგაფართოებაში, რომელიც ასევე ცნობილია როგორც Dubai World Central (DWC).
„UKEF-ის მიერ გამოცხადებული ინტერესის ეს გამოხატვა 3.5 მილიარდ დოლარამდე მოცულობით, აღნიშნავს კიდევ ერთ მნიშვნელოვან ეტაპს და აძლიერებს დიდი ბრიტანეთის ხანგრძლივ პარტნიორობას დუბაისთან და მის პიონერულ მსოფლიო დონის ინფრასტრუქტურულ პროექტებთან,“ — განაცხადა სერ კრის ბრაიანტმა.
აეროპორტის მფლობელებისა და დეველოპერების განცხადებით, დიდი ბრიტანეთის წერილი წარმოადგენს „პირველ საერთაშორისო ინტერესის გამოხატვას DWC მეგა-პროექტისთვის“ და მიანიშნებს გლობალურ ნდობაზე დუბაის გრძელვადიანი საავიაციო სტრატეგიისა და ეკონომიკური ხედვის მიმართ.
თავდაპირველად, აეროპორტის განვითარების პროექტი წელიწადში 150 მილიონი მგზავრისმომსახურებას ითვალისწინებს, ხოლო გრძელვადიანი გეგმები მისი ტევადობის 260 მილიონ მგზავრამდე გაზრდას ითვალისწინებს. გაფართოებული აეროპორტის ექსპლუატაციაში შესვლა 2030-იანი წლების დასაწყისშია მოსალოდნელი.
ამჟამად ალ მაქთუმის აეროპორტს ორი ასაფრენი ბილიკი აქვს, მაგრამ გაფართოების შემდეგ დაემატება კიდევ სამი, რითაც მათი საერთო რაოდენობა ხუთამდე გაიზრდება.
