ჩინეთმა აღმოაჩინა „გაუთავებელი“ ენერგიის წყარო, რომელსაც შეუძლია საკმარისი საწვავი მიაწოდოს ქვეყანას 60 000 წლის განმავლობაში.
"ბაიან ობოს სამთო კომპლექსი შიდა მონღოლეთში, ჩრდილოეთ ჩინეთის ავტონომიურ რეგიონში, შეიძლება შეიცავდეს საკმარის თორიუმს, რათა უზრუნველყოს ჩინეთის საყოფაცხოვრებო ენერგეტიკული მოთხოვნილებები "თითქმის სამუდამოდ", - ნათქვამია ეროვნული კვლევის თანახმად.
ეს ოდნავ რადიოაქტიური ელემენტი შეიძლება გამოყენებულ იქნას ატომური ელექტროსადგურის შესაქმნელად. კვლევამ აჩვენა, რომ თორიუმის რესურსები ქვეყნის სამთო ნარჩენებში „სრულიად ხელუხლებელი რჩება“ და შეიძლება საკმარისი აღმოჩნდეს საწვავზე მსოფლიო დამოკიდებულების დასასრულებლად.
თორიუმის MSR-ები დახვეწილი ბირთვული ტექნოლოგიაა, რომელიც თხევად საწვავზე (როგორც წესი, გამდნარ მარილებზე) მუშაობს — იყენებენ როგორც საწვავად, ასევე მაცივებელ აგენტად. ურანზე მომუშავე ტრადიციულ რეაქტორებთან შედარებით, იგი მეტად უსაფრთხოა, ნაკლებ ნარჩენს წარმოქმნის და საწვავსაც უფრო ეფექტიანად იყენებს.
თორიუმი ძირითადად შედის 12 მინერალში. ამ მინერალების საბადოები ცნობილია ავსტრალიაში, ინდოეთში, ნორვეგიაში, აშშ-ში, კანადაში, სამხრეთ აფრიკის რესპუბლიკაში, ბრაზილიაში, პაკისტანში, მალაიზიაში, შრი-ლანკაში, ყირგიზეთში და სხვა ქვეყნებში
გამდნარი მარილის რეაქტორში თორიუმი შერეულია ქიმიკატთან, რომელსაც ლითიუმის ფტორიდს უწოდებენ და თბება დაახლოებით 1400°C-მდე (2550°F).
ურანთან შედარებით, თორიუმი მეტად გავრცელებული ელემენტია, ჩინეთში კი მისი საკმაოდ მნიშვნელოვანი რეზერვები აქვთ. ექსპერტთა აზრით, სანამ ტექნოლოგიის მასშტაბური გამოყენება დაიწყება, არაერთი ტექნიკური, რეგულატორული და ეკონომიკური საკითხია მოსაგვარებელი.
