Apple Inc ამზადებს პროგრამული უზრუნველყოფის მასშტაბურ განახლებას, რათა შეცვალოს თავისი iPhone–ის, iPad–ის და Mac–ის ინტერფეისი ახალი თაობის მომხმარებლებისთვის - ინფორმაციას Bloomberg ინფორმირებულ წყაროებზე დაყრდნობით ავრცელებს.
პროგრამული უზრუნველყოფის განახლება, რომელიც დაგეგმილია მოგვიანებით 2025 წელს, მკვეთრად შეცვლის Apple-ის ოპერაციული სისტემების იერსახეს, აცხადებენ წყაროები.
კომპანია მუშაობს, კერძოდ, მოწყობილობების ნავიგაციისა და კონტროლის მეთოდების გამარტივებაზე, აცხადებენ სააგენტოს წყაროები. მათი თქმით, ახალი დიზაინი ეფუძნება Vision Pro შერეული რეალობის ყურსასმენების პროგრამულ უზრუნველყოფას.
განახლებების მთავარი მიზანია სხვადასხვა მოწყობილობებზე ოპერაციული სისტემები უფრო მსგავსი და თანმიმდევრული გახდეს.
