კომპანია Zutobi–მ მოამზადა კვლევა იმ ქვეყნების შესახებ, სადაც უცხოელი მძღოლებისთვის მოგზაურობა ყველაზე ადვილია. ექსპერტების ცნობით, საგზაო მოგზაურობები ქვეყნის შესწავლის ერთ-ერთ ყველაზე პოპულარულ გზად რჩება, სადაც ტურისტები ბუნებრივ ბილიკებს იკვლევენ და პატარა ქალაქებს სტუმრობენ.
რეიტინგის შესადგენად ანალიტიკოსებმა 40 ქვეყანა შეისწავლეს, საგზაო უსაფრთხოების, ინფრასტრუქტურის ხარისხის, ავტომობილის დაქირავებისა და საწვავის ხარჯების, საცობების, პარკირების ფასების და ტურისტული ატრაქციონების რაოდენობის გათვალისწინებით.
საავტომობილო ტურიზმის მხრივ საუკეთესო ქვეყანა სლოვენია აღმოჩნდა. ქვეყანამ მაღალი შეფასებები მიიღო თვალწარმტაცი მარშრუტების, შედარებით დაბალი საცობების და მძღოლებისთვის ხელმისაწვდომი ტურისტული ობიექტების დიდი რაოდენობის გამო.
მეორე ადგილზე პორტუგალია გავიდა. მკვლევრებმა აღნიშნეს ზომიერი საგზაო მოძრაობის საცობები, მდიდარი კულტურული მემკვიდრეობა და მრავალფეროვანი მარშრუტები - ალგარვეს სანაპიროდან დორუს ველის ღვინის რეგიონებამდე.
მესამე ადგილი ესპანეთმა დაიკავა, რომელიც მოგზაურებს იზიდავს მრავალფეროვანი ლანდშაფტებით, კარგად განვითარებული საგზაო ქსელითა და შედარებით თავისუფალი მოძრაობით.
Zutobi-ს მიხედვით, ავტომობილით მოგზაურობისთვის საუკეთესო 10 ქვეყანა:
სლოვენია
პორტუგალია
ესპანეთი
ავსტრალია
იაპონია
კანადა
შვედეთი
დიდი ბრიტანეთი
საფრანგეთი
ახალი ზელანდია
