რეკორდული სიცხის ფონზე, შეიძლება ისე ჩანდეს, თითქოს 2026 წელი უკვე გახდა ისტორიაში ყველაზე თბილი. სინამდვილეში, ეს ჯერ ასე არ არის. თუმცა, მეცნიერები ამბობენ, რომ ახალი რეკორდის დამყარების შანსი სწრაფად იზრდება - და მაშინაც კი, თუ ეს მოხდება, ის, სავარაუდოდ, მხოლოდ ერთი წელი გაგრძელდება.
ჩრდილოეთ ამერიკასა და ევროპაში ტყის ხანძრები მძვინვარებს. მომაკვდინებელი სიცხის ტალღები ქალაქებს ახრჩობს, ხოლო გლობალური ოკეანის ტემპერატურამ წლის ამ დროისთვის რეკორდულ მაქსიმუმს მიაღწია. პროგნოზით, ელ-ნინიოს გაძლიერება ყველა ნორმას გადააჭარბებს, რაც გლობალურ ტემპერატურას ამაღლებს და გავლენას მოახდენს პლანეტის ამინდზე.
შეიძლება ისეთი შთაბეჭდილება შეიქმნას, თითქოს პლანეტა ჯოჯოხეთურ სიცხეში იხრჩობა, რომელიც ზაფხულის ყველა რეკორდს ამყარებს. თუმცა, წლევანდელი წელი რეკორდული არ არის. შესაძლოა, მხოლოდ ამ ეტაპზე.
კლიმატის სტატისტიკის მიხედვით, წლევანდელი წელი დაფიქსირებული სიცხით მხოლოდ მესამეა, 2024 და 2025 წლების შემდეგ. თუმცა, შესაძლოა, ის მაინც გახდეს დაფიქსირებული სიცხით ყველაზე ცხელი წელი. მეცნიერების თქმით, ეს ალბათობა იზრდება ადამიანის მიერ გამოწვეული გლობალური დათბობის დაჩქარებისა და ძლიერი ელ-ნინიოს მოვლენის გამო.
მაშინაც კი, თუ წელს რეკორდი მოიხსნება, ეს დიდხანს არ გაგრძელდება. მეცნიერები პრაქტიკულად ერთსულოვნად მიიჩნევენ, რომ მომავალ წელს, 2027 წელს, სიცხის ყველა ამჟამინდელი რეკორდი მოხსნილი იქნება, შესაძლოა, მნიშვნელოვანი სხვაობით.
ბოლო წლებში, მსოფლიოში მიმდინარე ომების ფონზე, ადამიანები კლიმატის ცვლილებას ნაკლებ ყურადღებას აქცევდნენ, „რადგან მსოფლიო სხვა გაგებით იწვოდა. ახლა მსოფლიო კვლავ იწვის კლიმატის ცვლილების გამო და მისი იგნორირება სულ უფრო და უფრო რთულდება“, ამბობს კლიმატის მეცნიერი ზიკ ჰაუსფატერი Berkeley Earth–დან“, არაკომერციული ორგანიზაციიდან, რომელიც კლიმატის მონაცემებს აანალიზებს. „იქნება მხოლოდ უარესი“, – აფრთხილებს ის.
რეკორდულად ცხელი წლის შანსები იზრდება
ჰაუსფატერის გამოთვლებით, იმის ალბათობა, რომ 2026 წელი 2024 წელს გადააჭარბებს, როგორც დაფიქსირებული ყველაზე ცხელი წელი, 35 პროცენტია. და ის ამ შეფასებას თითქმის ყოველთვიურად ზრდის - მარტში ეს მაჩვენებელი მხოლოდ 7 პროცენტი იყო.
NASA-ს ყოფილი მთავარი კლიმატოლოგი ჯეიმს ჰანსენი, რომელსაც ხშირად კლიმატოლოგიის „ნათლიას“ უწოდებენ ათწლეულების განმავლობაში ზუსტი გრძელვადიანი პროგნოზების გამო, ელოდება 2026 წელი ოდნავ გადააჭარბებს 2024 წელს.
მაისში ზღვის ზედაპირის გლობალურმა დღიურმა ტემპერატურამ 2024 წლის დონეს მიაღწია და ივნისიდან მოყოლებული თითქმის ყოველდღიურად ამყარებს რეკორდებს. ჰანსენის განმარტებით, გლობალური ოკეანის დათბობის გლობალურ საშუალო ტემპერატურაზე ასახვას, როგორც წესი, დაახლოებით თვე-ნახევარი სჭირდება.
ასე რომ, მისი თქმით, ახლოვდება მომენტი, როდესაც მთელი პლანეტა ტემპერატურის რეკორდების დამყარებას დაიწყებს. ევროპული კლიმატის სამსახურის, კოპერნიკის, მონაცემებით, წელს ოკეანის ზედაპირის დაახლოებით 82 პროცენტი გადახურებულია, რაც ზღვის სიცხის ტალღებს იწვევს.
