მსოფლიო ბაზარზე ვერცხლის ფასი კვლავ მაღალი ნიშნულების სიახლოვეს ნარჩუნდება. ბოლო მონაცემებით, ვერცხლის ფასი დაახლოებით 60 დოლარია ტროას უნციაზე (31.1 გრამი), რაც ნიშნავს, რომ 1 გრამი სუფთა ვერცხლის საბაზრო ღირებულება დაახლოებით 1.9–2 დოლარს შეადგენს.
საქართველოს ეროვნული ვალუტით ეს დაახლოებით 5–6 ლარია ერთ გრამზე (დოლარის კურსის მიხედვით).
სამკაულების შემთხვევაში ფასი უფრო მაღალია, რადგან ემატება დამზადების ხარჯი, დიზაინი და სავაჭრო მარჟა. ყველაზე გავრცელებული 925 სინჯის ვერცხლი კი შეიცავს 92.5%-იან სუფთა ვერცხლს, ამიტომ მისი ლითონის ღირებულება ოდნავ ნაკლებია.
ვერცხლზე მოთხოვნას მნიშვნელოვნად განსაზღვრავს არა მხოლოდ ინვესტორების ინტერესი, არამედ მისი გამოყენება ინდუსტრიაში — მათ შორის ელექტრონიკაში, ენერგეტიკასა და ტექნოლოგიურ სექტორებში.
