მომხმარებლები 2017 წელს iPhone-ის 1000-დოლარიან ფასს აპროტესტებდნენ, ახლა კი, შესაძლოა, 2-ჯერ მეტის გადახდა მოუწიოთ.
CNN-ის ცნობით, iPhone 17 Pro Max-ის ფასი 2000 აშშ დოლარია, თუ მყიდველები აირჩევენ ორ-ტერაბაიტიანი მეხსიერებით ვერსიას. ეს პირველი შემთხვევაა, როდესაც Apple-მა iPhone-ისთვის 2 ტბ-იანი ვარიანტი გამოუშვა, რაც მას ბაზარზე ერთ-ერთ ყველაზე ძვირადღირებულ ტელეფონად აქცევს.
2000 დოლარიანი iPhone შესაძლოა Apple-ის ყველაზე ძვირადღირებული ტელეფონი იყოს, მაგრამ ის ისეთივე ძვირი არ არის, როგორც Samsung-ისა და Google-ის დასაკეცი ტელეფონები 1 ტბაიტი მეხსიერებით. Samsung-ის Galaxy Z Fold 7-ის 1 ტბაიტიანი ვერსია 2419,99 დოლარი ღირს, ხოლო Pixel 10 Pro Fold-ის იგივე მეხსიერებით ფასი 2149 დოლარია.
Apple-მა თავისი ახალი iPhone-ების ხაზი 9 სექტემბერს, კალიფორნიის შტატის ქალაქ კუპერტინოში, თავის კამპუსში, პარასკევს წარადგინა. Pro მოდელებს აქვთ გადაკეთებული უკანა პანელი და კამერა უფრო ხანგრძლივი ზუმით, ასევე გახანგრძლივებული ბატარეის ლიმიტი. Apple-ის მტკიცებით, iPhone-ები უკეთ მუშაობენ Apple-ის ახალი ჩიპისა და განახლებული დიზაინის წყალობით.
Wedbush Securities-ის ანალიტიკოსი დენ აივზი პროგნოზირებს, რომ iPhone-ის წინასწარი შეკვეთები გასულ წელთან შედარებით 5-10%-ით გაიზრდება, რადგან კომპანიის შეფასებით, iPhone-ის მფლობელთა 20%-მა გლობალურად ბოლო ოთხი წლის განმავლობაში არ განაახლა ტელეფონი.
