Bank of America-ს პროგნოზით, ოქროს ფასი მომდევნო სამი თვის განმავლობაში შესაძლოა უნციაზე 4 000 დოლარზე დაბლა ჩამოვიდეს. ბანკის შეფასებით, 2026 წლის მეოთხე კვარტალში ოქროს საშუალო ფასი 4 000 დოლარი იქნება, თუმცა 2027 წელს ზრდაა მოსალოდნელი.
პროგნოზის მთავარ მიზეზებს შორისაა ოქროს ფიზიკურ ბაზარზე მოთხოვნის შემცირება და ცენტრალური ბანკების მიერ გაყიდვების შესაძლო განახლება. ბანკის მონაცემებით, ძირითადი მყიდველების შესყიდვები წლიურად 16.6%-ით შემცირდა, ხოლო ინდოეთში ოქროს იმპორტი 77.8%-ით დაეცა. დამატებით რისკს წარმოადგენს აშშ-ის ფედერალური სარეზერვო სისტემის მკაცრი მონეტარული პოლიტიკა და ინფლაციური ზეწოლა.
მიუხედავად მოკლევადიანი პესიმისტური პროგნოზისა, Bank of America 2027 წელს ოქროს ფასის აღდგენას ელის. ბანკის პროგნოზით, 2027 წლის პირველ კვარტალში ოქროს საშუალო ფასი 4 750 დოლარს, ხოლო მეორე და მესამე კვარტლებში — 5 000 დოლარს მიაღწევს.
