აზერბაიჯანმა ყაზახეთიდან და რუსეთიდან სომხეთში ტვირთების ტრანზიტზე ყველა შეზღუდვა მოხსნა.
ერევანმა რუსეთში ტვირთების ტრანზიტის მოთხოვნა წარადგინა, განაცხადა აზერბაიჯანის პრეზიდენტმა ილჰამ ალიევმა დავოსში, მსოფლიო ეკონომიკური ფორუმის პანელურ სესიაზე „ევრაზიის ეკონომიკური იდენტობის განსაზღვრა“, - ამის შესახებ Report-ი წერს.
„ჩვენ ახლა მივიღეთ სომხური მხარის მოთხოვნა სომხეთიდან რუსეთში ტრანზიტის უზრუნველყოფის შესახებ. ამრიგად, ჩვენ ფაქტობრივად ცალმხრივად გავხსენით დერეფნები. დიახ, ამჟამად ტვირთების გადაზიდვა ხორციელდება საქართველოს გავლით, მაგრამ ერთ დღეს ისინი სომხეთის გავლით გაივლიან. ერთ დღეს სომხეთი პირდაპირ გადაზიდვებს განახორციელებს აზერბაიჯანიდან და ეს დღე არც ისე შორს არის“, - თქვა ალიევმა.
აზერბაიჯანის პრიორიტეტია რეგიონის ქვეყნებთან ურთიერთობა, დასძინა მან და ხაზი გაუსვა, რომ ბაქოსა და ერევანს შორის ფაქტობრივი მშვიდობის დამყარების შემდეგ, „ჩვენ ასევე დავიწყეთ ეკონომიკური თანამშრომლობა და ექსპორტის ოპერაციები“.
