ლონდონის საფონდო ბირჟაზე ქართული კომპანიების აქციების ფასები შემცირდა.
ლონდონის საფონდო ბირჟაზე განთავსებული სამივე ქართული კომპანიის აქციების ფასები 2026 წლის 27-31 ივლისის სავაჭრო კვირაში შემცირდა. ყველაზე მკვეთრი კლება „საქართველოს კაპიტალმა“ დააფიქსირა.
Lion Finance Group-ის, ყოფილი Bank of Georgia Group-ის, აქციების ფასი კვირის განმავლობაში 2.03%-ით შემცირდა და 31 ივლისის ვაჭრობის დასრულებისას 116.10 გირვანქა სტერლინგი შეადგინა. წინა კვირის ბოლოს კომპანიის ერთი აქცია დაახლოებით 118.50 გირვანქა სტერლინგად ივაჭრებოდა.
Lion Finance Group ლონდონის საფონდო ბირჟაზე BGEO სიმბოლოთი არის წარმოდგენილი. ჯგუფი საქართველოში „საქართველოს ბანკს“, ხოლო სომხეთში Ameriabank-ს ფლობს. Reuters-ის მიერ გამოქვეყნებული, LSEG-ის მონაცემებით, 31 ივლისს BGEO-ს აქციის დახურვის ფასი 11 610 პენსი, ანუ 116.10 გირვანქა სტერლინგი იყო.
TBC Bank Group-ის აქციების ფასი იმავე პერიოდში 0.46%-ით შემცირდა. 31 ივლისის დახურვისას ერთი აქციის ღირებულება 48.12 გირვანქა სტერლინგს შეადგენდა. წინა კვირის ბოლოს აქციის ფასი დაახლოებით 48.34 გირვანქა სტერლინგი იყო.
TBC Bank Group ლონდონის საფონდო ბირჟაზე TBCG სიმბოლოთი ივაჭრება. ჯგუფის ძირითადი საქმიანობა მოიცავს საბანკო და სხვა ფინანსურ მომსახურებას საქართველოში, ასევე ციფრულ ფინანსურ ოპერაციებს უზბეკეთში.
ყველაზე დიდი, 5.69%-იანი კლება „საქართველოს კაპიტალის“ აქციებმა განიცადა. კომპანიის აქციის ფასი წინა კვირის ბოლოს არსებული 42 გირვანქა სტერლინგიდან 39.61 გირვანქა სტერლინგამდე შემცირდა.
Georgia Capital ლონდონის საფონდო ბირჟაზე CGEO სიმბოლოთი არის განთავსებული. კომპანია საქართველოში მოქმედ ბიზნესებში ინვესტირებაზეა ორიენტირებული. მის პორტფელში შედის საცალო ვაჭრობის, ჯანდაცვის, დაზღვევის, განათლებისა და განახლებადი ენერგეტიკის მიმართულებით მოქმედი კომპანიები. Georgia Capital ასევე ფლობს Lion Finance Group-ის აქციების ნაწილს.
ამრიგად, კვირის განმავლობაში სამივე კომპანიის აქციები გაუფასურდა, თუმცა კლება განსხვავებული მასშტაბის იყო. ყველაზე მცირე ცვლილება TBC Bank Group-მა დააფიქსირა, ხოლო ყველაზე დიდი შემცირება „საქართველოს კაპიტალის“ აქციებზე დაფიქსირდა.
აღნიშნული ფასები ასახავს 2026 წლის 31 ივლისის სავაჭრო სესიის დახურვის მდგომარეობას. ლონდონის საფონდო ბირჟაზე აქციების ფასი პენსებში ქვეყნდება, შესაბამისად, 11 610 პენსი 116.10 გირვანქა სტერლინგს, ხოლო 4 812 პენსი 48.12 გირვანქა სტერლინგს ნიშნავს.
როგორ იცვლება ქართული კომპანიების აქციების ღირებულება ლონდონის საფონდი ბირჟაზე ყოველკვირეულად, გაიგეთ "კომერსანტის" სტატიებიდან.
წყარო: Galt & Taggart
