დღის TOP10 საინტერესო ამბავი:
1. ინტერნეტ–გადახდების რაოდენობა 100%-ით გაიზარდა - როგორ შეცვალა პანდემიამ მომხმარებლის ქცევა
კოვიდ პანდემიის ფონზე საბარათე ოპერაციებისა და ბარათით გადახდების მაჩვენებლები რადიკალურად შეიცვალა, რადგან პანდემიის დასაწყისში ვირუსის შემანელებელ ერთ-ერთ ფაქტორად ნაღდი ფულის გამოყენების ნაცვლად სწორედ საბარათე ოპერაციების შესრულება ითვლებოდა.
2. ფქვილის იმპორტის ზრდის გამო წისქვილკომბინატებში 5000-მდე სამუშაო ადგილს საფრთხე ემუქრება
პური ბოლო 1 წელიწადში საშუალოდ 20 თეთრით გაძვირდა, რაც დაბალშემოსავლიანი მოქალაქეებისთვის მძიმე ტვირთად იქცა. გაძვირების მიზეზი ხორბალზე ფასის მატება გახდა. საქართველო შიდა მოთხოვნის მხოლოდ 15%-ს აკმაყოფილებს, დარჩენილი 85% იმპორტზე მოდის, რუსეთის მიერ ხორბლის ექსპორტზე ბაჟის დაწესების შემდეგ ქართული მხარე ბევრად უფრო მალფუჭებად ფქვილის იმპორტზე გადაერთო.
3. ბანკების სავალუტო ოპერაციებიდან მიღებული მოგების თითქმის ნახევარი საქართველოს ბანკზე მოდის
ეროვნული ვალუტა დოლარის მიმართ 2021 წლის პირველ ნახევარში თითქმის 11 პუნქტით გამყარდა, თუმცა წლის განმავლობაში ის მნიშვნელოვანი რყევებით გამოირჩეოდა. თუ 1-ელი იანვრისთვის დადგენილი კურსით ერთი ამერიკული დოლარი 3.2766 ლარი ღირდა, მეორე კვარტლის ბოლოს, ანუ 30 ივნისს, ოფიციალურმა კურსმა 3.1603 ლარი შეადგინა.
4. შანხაის მოდის კვირეულიდან დაბრუნებული დიზაინერი ნინა ზარქუა წარმოების გაფართოებას გეგმავს
შანხაის მოდის კვირეულიდან სულ ახლახან დაბრუნებული ცნობილი ქართველი დიზაინერი, Nina Zarqua Collection-ის დამფუძნებელი ნინა ზარქუა ექსპორტზე საკუთარი კოლექციის სოლიდურ ზრდას ელის.
5. ყავის 30%-ით გაძვირების მიზეზად კომპანიები ლოგისტიკას ასახელებენ
ყავის გლობალურ ბაზრებზე მიმდინარე საფასო ტრენდი ქართული ბაზრისთვისაც გადამდები აღმოჩნდა. იმპორტიორების ინფორმაციით, ყავის ფასმა 30%-ით მოიმატა. რაც შეეხება მოთხოვნას, ქართულ კომპანიებში არსებულ ვითარებას არაერთგვაროვნად აფასებენ.
6. რუსეთი სომხეთის ეკონომიკაში $1 მლრდ-ის ინვესტირებას გეგმავს
სომხეთის ეკონომიკაში $1 მლრდ-ის ინვესტირებას რუსეთო უახლოეს მომავალში აპირებს. ამის შესახებ ერევანში გამართული სომხურ-რუსული ფორუმის ფარგლებში ორგანიზებულ ბრიფინგზე რუსეთის ეკონომიკის მინისტრის მოადგილე დმიტრი ვოლვაჩმა განაცხადა.
7. Ipsos: ინფრასტრუქტურა ეკოლოგიაზე ნეგატიურად არ უნდა მოქმედებდეს
ფრანგულმა კვლევითმა ორგანიზაცია Ipsos-მა ინფრასტრუქტურის გლობალური ინდექსი გამოაქვეყნა, რომელიც რესპონდენტების გამოკითხვის საფუძველზე მსოფლიოს 28 ქვეყანაში ინფრასტრუქტურის მდგომარეობას აფასებს.
8. აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს
ბოლო 2-3 წელია, აფხაზეთის დე-ფაქტო მთავრობა კრიპტოვალუტის მაინინგს ებრძვის და რამდენიმე ათასი ერთეულის ამოღება ოფიციალურადაც დაადასტურა. თუმცა ქართველი ენერგეტიკოსები ამ პროცესის მიმართ უნდობლობას აშკარად ამჟღავნებენ.
9. აშშ-ს თავდაცვის მდივანი კიევში - მკვეთრი გზავნილი უკრაინისთვის
19 ოქტომბერს აშშ-ს თავდაცვის მდივანი ლოიდ ოსტინი კიევს ოფიციალური ვიზიტით ესტუმრა, რაც უკრაინის ევროატლანტიკური მისწრაფებასთან დაკავშირებით მკვეთრი გზავნილია.
10. Tide, Ariel, Fairy და Pampers კიდევ უფრო გაძვირდება
კომპანია Procter & Gamble-ის პროდუქცია, რომელიც ქართველი მომხმარებლებისთვის, ძირითადად, Tide-ის, Ariel-ის, Fairy-სა და Pampers-ის ბრენდების პროდუქტებით არის ცნობილი, კიდევ უფრო გაძვირდება. ამის შესახებ განცხადება P&G-ის ფინანსურმა დირექტორმა, ანდრე შულტენმა გააკეთა.