ეროვნული ვალუტა დოლარის მიმართ 2021 წლის პირველ ნახევარში თითქმის 11 პუნქტით გამყარდა, თუმცა წლის განმავლობაში ის მნიშვნელოვანი რყევებით გამოირჩეოდა. თუ 1-ელი იანვრისთვის დადგენილი კურსით ერთი ამერიკული დოლარი 3.2766 ლარი ღირდა, მეორე კვარტლის ბოლოს, ანუ 30 ივნისს, ოფიციალურმა კურსმა 3.1603 ლარი შეადგინა. ანალიტიკოსები მიიჩნევენ, რომ ეროვნული ვალუტის მერყეობით მხოლოდ საბანკო სისტემა რჩება მოგებული.
ანგარიშგებების მიხედვით, კომერციული ბანკების არასაპროცენტო შემოსავლების დიდი წილი სწორედ ვალუტის ყიდვა-გაყიდვის ოპერაციებიდან მიღებულ მოგებას უჭირავს. კომერციული ბანკების ანგარიშგებების მიხედვით, თერთმეტმა ბანკმა 2021 წლის მეორე კვარტალში ვალუტის ყიდვა-გაყიდვის ოპერაციებიდან თითქმის 109 მლნ. ლარის მოგება მიიღო, ხოლო ოთხი ბანკის ზარალმა 7 მლნ. ლარს გადააჭარბა.
კომერციული ბანკების რეიტინგი ვალუტის ყიდვა-გაყიდვის ოპერაციებიდან მიღებული მოგების მიხედვით ასეთია:
საქართველოს ბანკი - 51,226,790 ლარი (2020 წლის II კვარტალში 91,542,917 ლარი);
თიბისი ბანკი - 32,640,777 ლარი (2020 წლის II კვარტალში 52,181,942 ლარი);
ვითიბი ბანკი ჯორჯია - 6,984,260 ლარი (2020 წლის II კვარტალში 9,792,919 ლარი);
პროკრედიტ ბანკი - 4,338,657 ლარი (2020 წლის II კვარტალში 5,861,450 ლარი);
პაშა ბანკი საქართველო - 4,065,037 ლარი (2020 წლის II კვარტალში 1,217,204 ლარის ზარალი);
ტერაბანკი - 3,638,531 ლარი (2020 წლის II კვარტალში 1,441,485 ლარი);
სილქ როუდ ბანკი - 1,564,473 ლარი (2020 წლის II კვარტალში 1,899,399 ლარი);
ბანკი ქართუ - 1,523,653 ლარი (2020 წლის II კვარტალში 3,647,702 ლარი );
იშბანკი საქართველო - 1,362,453 ლარი (2020 წლის II კვარტალში 680,001 ლარი);
ზირაათ ბანკი საქართველო - 580,135 ლარი (2020 წლის II კვარტალში 702,784 ლარი);
ბაზისბანკი - 215,275 ლარი (2020 წლის II კვარტალში 2,533,527 ლარი);
ლიბერთი ბანკი - ზარალი 4,495,132 ლარი (2020 წლის II კვარტალში 6,108,733 ლარი);
კრედო ბანკი - ზარალი 2,089,375 ლარი (2020 წლის II კვარტალში 212,638 ლარი);
ფინკა ბანკი საქართველო - ზარალი 497,310 ლარი (2020 წლის II კვარტალში 1,509,675 ლარი);
ხალიკ ბანკი საქართველო - ზარალი 74,262 ლარი (2020 წლის II კვარტალში ზარალი 33,944 ლარი).