დღის Top 10 საინტერესო ამბავი:
„ამერიკის კერძო ინვესტიცია დამოკიდებულია სტაბილურ, დამოუკიდებელ სასამართლო სისტემაზე. კიდევ ბევრი საქმეა გასაკეთებელი – ჩვენი მხარდაჭერა გრძელდება”, — ამის შესახებ აშშ-ის სახელმწიფო მდივანმა მაიკ პომპეომ საქართველოში ვიზიტის შემდეგ საკუთარ სოციალურ ქსელში დაწერა.
„ჩვენთან გზებს და ხიდებს ჩინელები აშენებენ, ქართველი მშენებლები კი სომხეთში ვაშენებთ“, ამის შესახებ კომერსანტს „კავკასუს როუდ პროჯექტის“ დამფუძნებელი და გენერალური დირექტორი პაატა ტრაპაიძე განუცხადა. მაშინ, როცა საქართველოს მთავრობა მსოფლიოს მრავალ ქვეყანაში რეპუტაცია შელახულ, ჩინური კომპანიებთან აქტიურად თანამშრომლობს, საქართველოში დაფუძნებული კომპანია ერევანში 255 მეტრი სიგრძის 2 ახალ ხიდს აშნებეს. „კავკასუს როუდ პროჯექტი“ დამფუძნებელი და გენერალური დირექტორის თქმით, ბაზარზე არსებული არაჯანსაღი კონკურენციის გამო ქართული კომპანიები კონტრაქტებს სხვაგან ეძებენ.
3.„წლებია ინვესტიციების კლების ტრენდი გვაქვს, პანდემია გადამწყვეტი ფაქტორი არ არის“
020 წლის მესამე კვარტალში საქართველოში შემოსული პირდაპირი უცხოური ინვესტიციების მოცულობა 23.6%-ით შემცირდა და მან $302.6 მილიონი დოლარი შეადგინა. ჯამურად, წლის 9 თვეში FDI $719 მილიონი დოლარი იყო, რაც 2019 წელთან შედარებით 24%-ით ანუ $228 მილიონი დოლარით ნაკლებია.
„ხელი მოვაწერეთ, პროექტს Airbus A330 -300 თვითმფრინავის ჩამოყვანაზე, აქტიური მუშაობა მიმდინარეობს თბილისი-ტორონტო, თბილისი ნიუ-იორკის მიმართულებით ამვიამიმისვლაზე და ტურისტების შემოყვანასთან დაკავშირებით“, - ამის შესახებ „კომერსანტს“ ქართული ავიაკომპანიის „Air Georgia“-ს დამფუძნებელმა გიორგი კოდუამ განუცხადა. ბიზნესმენს იმედი აქვს რომ ეპიდემილოგიური მდგომარეობა გაზაფხულზე დასტაბილურდება და ქვეყანაში აქტიურები ფრენები დაიწყება.
5.„გაუგებარია ტარიფის ზრდა“ - შვიდი ბიზნესასოციაცია „თბილისი ენერჯისთან“ შეხვედრას ითხოვს
საქართველოში მოქმედი შვიდი ბიზნეს ასოციაციაცია გაზის ტარიფის ზრდასთან დაკავშირებით განცხადებას ავრცელებს. ბიზნესასოციაციები ეხმაურებიან „თბილისი ენერჯის“ გადაწყვეტილებას, რომლის მიხედვითაც გაზის კომერციული ტარიფი 0.24 ლარით გაიზარდა.
6.„თუ 2021 წელს ტურიზმი არ აღდგება, ეკონომიკის ზრდა 3.5%-ზე მეტი არ იქნება” - Galt & Taggart
2021 წლისთვის მთავრობა და ეროვნული ბანკი 5%-იან ეკონომიკურ ზრდას პროგნოზირებს, საერთაშორისო სავალუტო ფონდის პროგნოზით კი ზრდა უფრო მცირე, 4.3% იქნება.
„დღეს რისკის ქვეშ დგას არათუ ახალი ინვესტიციების განხორციელება, არამედ არსებულის შენარჩუნება,“ - ამის შესახებ, თბილისი ცენტრალის გენერალურმა დირექტორმა ლევან ყარალაშვილმა განაცხადა.
8.სასტუმრო „როიალ ბატონი“ გაფართოებას გეგმავს
„როიალ ბატონის“ გენერალურმა მენეჯერმა ლაშა ხეთერელმა სასტუმროს სამომავლო გეგმებზე ისაუბრა. მისი განცხადებით, სასტუმროს განახლებაზე მუშაობა დაწყებულია.
9.სომხეთში ახალი რევოლუციის მცდელობა ჩაიშალა
8 დეკემბერს ოპოზიციის მიერ სომხეთის პრემიერ-მინისტრის მიმართ ულტიმატუმის ვადა ამოიწურა, დანიკოლ პაშინიანის გადაყენების მიზნით ქუჩის აქციები დაიწყო.
10.ჩინეთი - მსოფლიოში ერთადერთი ეკონომიკა, რომელიც 2020 წელს გაიზრდება
როგორც ჩანს, ჩინეთი პანდემიით გამოწვეული შოკიდან წარმატებით გამოვიდა, ბოლო სტატისტიკური მონაცემებით, 2020 წლის მე-3 კვარტალში ქვეყნის ეკონომიკა 4,9%-ით გაიზარდა, მე-4 კვარტალში მოსალოდნელია 5%-იანი ზრდა.