დღის Top 10 საინტერესო ამბავი:

1. იმპორტის დღგ- ს წინასწარ გადახდა რითეილერებს ახალი კოლექციების განახლებას უფერხებს

„დამატებული ღირებულების გადასახადის წინასწარ გადახდა, პრობლემა იყო შარშანაც და პრობლემაა დღესაც“, - ამის შესახებ „კომერსანტს“ „მეგასპორტის“ დირექტორის მოადგილემ, ბიჭიკო ყელბერაშვილმა განუცხადა. კომპანია, რომელიც ისეთი საერთაშორისო ბრენდებს აერთიანებს როგორიცაა „The North Face“, „timberland“, „Diesel“ და „Dainese“ მნიშვნელოვანი გამოწვევების წინა დგას. „მეგასპორტისთვის“ ახლა ყველაზე რთული იმპორტის დღგ-ს წინასწარ გადახდაა. კომპანიაში იმედი აქვთ, რომ სახელმწიფო ქვეყნაში შექმნილ რთულ მდგომარეობას გაითვალისწინებს და ბიზნეს საშეღავათო პერიოდს დაუწესებს.

2. „5 000 ლარი ამდენი თვის დაკეტილი ობიექტს არაფერს უზამს, ეს არის ზღვაში წვეთი“

„5 000 ლარი ამდენი თვის დაკეტილ ობიექტს არაფერს უზამს, ეს არის ზღვაში წვეთი“, - ასე აფასებს „მეგრული სახლის“ დამფუძნებელი ეკა ჯალაღონია თბილისის მერიის ინიციატივას და მთავრობის გადაწყვეტილებას სარესტორნო ბიზნესის სუბსიდირების შესახებ. პროგრამა რომელიც მცირე და საშუალო ზომის სარესტორნო ბიზნესისთვის 5000 ლარიან ფინანსური დახმარებას გულისხმობს ჯალაღონიას თქმით, უმნიშვნელოა და უმძიმეს ფინანსურ კრიზისში მყოფ სარესტორნო ბიზნეს ვერ დაეხმარება.

3. „არ ვეთანხმებით ლაშა პაპაშვილს და თბილისში განაშენიანების გაგრძელებას ვგეგმავთ“ - „დომუსი“

კომპანია „რედიქსის“ დამფუძნებელი ლაშა პაპაშვილი თბილისში საცხოვრებელი სახლების მშენებლობის წინააღმდეგია. ის ამბობს, რომ დედაქალაქი 20 წელია რაც შეივსო და მას არც ერთი აგურის დამატება აღარ სჭირდება.

4. სახელმწიფო ვალი დასაშვებ ზღვარს გადასცდა და 31.57 მილიარდი ლარი შეადგინა

2021 წლის იანვრის მდგომარეობით, სახელმწიფო ვალის მოცულობამ 31.57 მილიარდი ლარი შეადგინა, მხოლოდ იანვარში ვალის ზრდა 735 მილიონი ლარი იყო. ფინანსთა სამინისტროს მიერ გამოქვეყნებული მონაცემების მიხედვით, 2021 წლის იანვრის მდგომარეობით, საქართველოს სახელმწიფო საგარეო ვალი  7,789 მლრდ დოლარს შეადგენს, 2020 წლის იანვრის მდგომარეობით კი, ვალის მოცულობა 5,677 მლრდ დოლარი იყო. მათ შორის, 1.037 მილიარდით გაიზარდა საგარეო ვალის ნაშთი, ხოლო საშინაო ვალის ნაშთი 302 მილიონი ლარით შემცირდა.

5. 40 000 ვიზიტორი 387 000-ის ნაცვლად - 90%-იანი ვარდნა თებერვალშიც გაგრძელდა

თებერვალში საქართველოს 40 516 ვიზიტორი ეწვია, რაც გასული წლის ანალოგიურ პერიოდთან შედარებით 89.5%-ით ნაკლებია. იანვარში ვარდნა 93.7%-ს აჭარბებდა. ვარდნის ტემპის კლების მიზეზი თებერვალში აღდგენილი ფრენების ნაწილი არ გამხადარა, უბრალოდ, შარშან იანვარში ჯერ კიდევ 19.7%-იანი ზრდა ფიქსირდებოდა, თებერვალში კი შესადარებელი პერიოდი უკვე აღარ იყო სახარბიელო და ვიზიტორების რაოდენობა 2019 წლის თებერვალთან შედარებით 0.7%-ით იყო შემცირებული და რომ არა ნაკიანი წელი კლება 4%-ს გადააჭრბებდა.

6. კახეთში 3 მილიონი ლარის ინვესტიციით ახალი სასტუმრო აშენდება (ფოტოები)

კომპანია HMG (ჰორეკა მენეჯმენტ) ჯგუფი კახეთში, კერძოდ ხაშმში ახალი ბუტიკური ტიპის სასტუმროს მშენებლობას გეგმავს.  როგორც  კომპანიის დამფუძნებელმა გიორგი პაპიაშვილმა „კომერსანტთან“ განმარტა, პროცესი დაწყებულია და 2022 წელს სასტუმრო გაიხსნება.

7. „ზამთრის კურორტების ერთი თვით გახსნა პრობლემებს ვერ გადაჭრის, საჭიროა სუბსიდირება და ბანკებთან შუამდგომლობა“

რა ტიპის პრობლემები და გამოწვევები აქვს ზამთრის კურორტებს? არის თუ არა ბაკურიანი და გუდაური დამსვენებელთა ნაკადის მისაღებად მზად და როგორია მოსახლობის განწყობა მთის კურორტებზე? ამ და სხვა თემებზე „რადიო კომერსანტის“ გადაცემა „კომერსანტის დილაში“ „დაიცავი მთის კურორტების“ დამფუძნებელმა გიორგი სალუქვაძემ ისაუბრა.

8. სასამართლომ გიორგი შაქარაშვილის მკვლელობაში 5 პირი დამნაშავედ სცნო

მცხეთის რაიონულმა სასამართლომ 19 წლის გიორგი შაქარაშვილის მკვლელობაში ხუთი პირი დამნაშავედ სცნო. ვახტანგ ჩიქოვანს, ნიკოლოზ რევაზიშვილს, არჩილ გაგნიძესა და არასრულწლოვნებს: ზ.ხ.-და და ა.ქ.-ს გამოძიება დამამძიმებელ გარემოებებში განზრახ მკვლელობას ედავებობდა. სრულწლოვან ბრალდებულებს სასამართლომ 16-16 წელი მიუსაჯა, ხოლო არასრულწლოვნების სასჯელის ზომა 16 მარტს გახდება ცნობილი.

9. მასშტაბური პროექტი იმერეთში - „GlenBerries“ ხონში 30 მილიონი ლარის ინვესტიციით ქარხანას აშენებს

გაყინული ხილ-ბოსტნეულის მწარმოებელი კომპანია „GlenBerries“ ახალი პროექტის რეალიზებას იწყებს. ხონის მუნიციპალიტეტში 117 ჰექტარის ფართობზე ხილ-ბოსტნეულის სათბურები და გადამამუშავებელი ქარხანა აშენდება. კომპანიის აღმასრულებელი დირექტორის რაფიელ მაღალაშვილის თქმით, შესაბამისი მიწის ნაკვეთი უკვე შეძენილია, პროექტი კი ეტაპობრივად განხორციელდება - 2021 წელს 52 ჰექტრის სათბურები აშენდება, და პარალელურად ქარხნის მშენებლობაც დაიწყება. პროექტის ჯამური ღირებულება 30 მლნ. ლარია.

10. Le Monde: ფინეთი დისტანციურად მუშაობას პანდემიის შემდეგაც გააგრძელებს

ბევრი ფინელი, როგორც რიგითი თანამშრომელი, ასევე ხელმძღვანელი დისტანციური შრომის გამოცდილებით ძალიან კმაყოფილია და ქვეყანა ამ პრაქტიკას პანდემიის დასრულების შემდეგაც გააგრძელებს. როგორც მინიმუმ 1 მლნ. ფინელი, ანუ, დასაქმებულთა 50%, 2020 წლის მარტში დისტანციურ მუშაობაზე გადავიდა, ეს ერთ-ერთი ყველაზე მაღალი მაჩვენებელია ევროპაში და ამავე დროს 5,5-მლინ -იანი ქვეყნის კორონავირუსთან წარმატებული გამკლავების მთავარი საიდუმლო.