„არ ვეთანხმებით ლაშა პაპაშვილს და თბილისში განაშენიანების გაგრძელებას ვგეგმავთ“ - „დომუსი“

„არ ვეთანხმებით ლაშა პაპაშვილს და თბილისში განაშენიანების გაგრძელებას ვგეგმავთ“ - „დომუსი“

access_time2021-03-09 12:00:25

კომპანია „რედიქსის“ დამფუძნებელი ლაშა პაპაშვილი თბილისში საცხოვრებელი სახლების მშენებლობის წინააღმდეგია. ის ამბობს, რომ დედაქალაქი 20 წელია რაც შეივსო და მას არც ერთი აგურის დამატება აღარ სჭირდება.

 

„მშენებლობა აღარ გვინდა ამ ქალაქში განსაკუთრებით საცხოვრებელი კორპუსების. ეს არის ჩემი მოლოდინი და თხოვნა ყველასთან რომ შეაჩერონ ყველაფერი. არსებულს თუ გადავაკეთებთ და ძველს თუ აჟურში მოვიყვანთ, თორე საცხოვრებელი სახლების მშენებლობების წინააღმდეგი ვარ. 20 წლის წინ შეივსო თბილისი, არც ერთი აგური არ სჭირდება თბილისს“, - განაცხადა გადაცემა Forbes Talks-ში სტუმრობისას ბიზნესმენმა.

 

„კომერსანტი“ დაინტერესდა რას ფიქრობენ ამ თემასთან დაკავშირებით დეველოპერული კომპანიების წარმომადგენლები. სამშენებლო კომპანია „დომუსის“ დირექტორი ალექსანდრე კორძახია არ ეთანხმება ლაშა პაპაშვილის მოსაზრებას და ფიქრობს, რომ ავარიული საბინაო ფონდის ჩანაცვლება საჭიროა, თუმცა თბილისს ახალი მშენებლობებიც სჭირდება.


 

„თბილისში ძალიან ბევრი ავარიული საბინაო ფონდია, მაგრამ გარდა ამისა საჭიროა ახალი მშენებლობების დაწყებაც. ის ცალკე თემაა რომ საბინაო ფონდის, მათ შორის „ხრუშჩოვკების“ ჩანაცვლება აუცილებელია, მაგრამ მეორეს მხრივ თბილისში, განსაკუთრებით მის შემოგარენში უბნების განვითარება და მშენებლობა საჭიროა, რასაც ჩვენ ვგეგმავთ კიდეც, იქ დაბალი განაშენიანება იქნება და ფუნქციურად ისე მოწესრიგდება, რომ ადამიანისთვის ყველაფერი ერთ სივრცეში მოექცევა.

 

არ ვიცი კონკრეტულად რას ან ვის გულისხმობდა ლაშა პაპაშვილი, მაგრამ მე ასე არ ვფიქრობ, არ ვეთანხმები ამ მოსაზრებას და გეგმაში გვაქვს თბილისში მშენებლობები და განაშენიანება. იმედი მაქვს ის უბრალოდ გულისხმობდა, რომ იმაზე მეტი შენდება თბილისში ვიდრე საჭიროა, რადგან თვითონ აქვს მშენებლობები და მაგას როგორ იტყოდა რომ ახალი მშენებლობები არ არის საჭირო და არც ერთი აგურის დამატება აღარ არის მიზანშეწონილი?! მართალია დეველოპმენტი უფრო უბნების სტილის მიმართულებით მიდის, ლისი, კრწანისი, ოქროყანა ამ მიმართულებით მოთხოვნადია, თუმცა ცენტრალურ უბნებშიც საჭიროა მშენებლობა“, - განაცხადა ალექსანდრე კორძახია.


ნინო თამაზაშვილი





ავიაბაზარზე პანდემიური კრიზისი გრძელდება - ავიაკომპანიები ზარალზეა

ავიაბაზარზე პანდემიური კრიზისი გრძელდება - ავიაკომპანიები ზარალზეა
access_time2022-01-23 21:00:36
American Airlines-მა მეოთხე კვარტალში $931 მილიონი იზარალა. პანდემიის დაწყებიდან თითქმის ორი წლის შემდეგ, COVID-19-ის ომიკრონ ვარიანტი ავიახაზების შემოსავლების აღდგენას...

ქვეყნები, რომლებმაც 2022 წელს მოგზაურობის გადასახადები დააწესეს

ქვეყნები, რომლებმაც 2022 წელს მოგზაურობის გადასახადები დააწესეს
access_time2022-01-23 15:00:55
ჯერ კიდევ კორონავირუსის პანდემიის დაწყებამდე რამდენიმე ქვეყანამ დააანონსა, რომ ტურისტული გადასახადის დაწესებას აპირებდა. 2022 წლის დასაწყისში მათი რიცხვი გაიზარდა. აღსანიშნავია, რომ ტურისტული გადასახადი სიახლე ნამდვილად არაა და ზოგიერთ ქვეყანაში, შესაძლოა, უკვე გადახდილიც გვაქვს სასტუმროს ფასთან ან...

დერეფანი „ლაპის ლაზული“ აქტიურდება - აწყობს თუ არა ეს საქართველოს

დერეფანი „ლაპის ლაზული“ აქტიურდება - აწყობს თუ არა ეს საქართველოს
access_time2022-01-23 23:00:18
...

ჩვენი საპენსიო დანაზოგები გლობალურ კომპანიებში

ჩვენი საპენსიო დანაზოგები გლობალურ კომპანიებში
access_time2022-01-23 22:00:23
ინფლაციის დაზღვევისა  და ამონაგების გაზრდის კუთხით  საპენსიო ფონდი , ახლ მექანიზმს – გლობალურ დივერსიფიკაციას გეგმავს, რაც უცხოური ვალუტისა და შემდეგში გლობალური ინდექსის შეძენას...

ევროპაში ავტომობილების გაყიდვები 22%-ით შემცირდა

ევროპაში ავტომობილების გაყიდვები 22%-ით შემცირდა
access_time2022-01-23 18:00:08
დეკემბერში ევროპაში ავტომობილების გაყიდვები შემცირდა. ტენდენცია მეექვსე თვეა გრძელდება, რაც მიუთითებს, თუ რა სირთულეების წინაშე დგანან ავტომწარმოებლები ჩიპების მიწოდების კრიზისის...


მსგავსი სიახლეები

up