იმპორტის დღგ- ს წინასწარ გადახდა რითეილერებს ახალი კოლექციების განახლებას უფერხებს

იმპორტის დღგ- ს წინასწარ გადახდა რითეილერებს ახალი კოლექციების განახლებას უფერხებს

access_time2021-03-09 10:00:56

„დამატებული ღირებულების გადასახადის წინასწარ გადახდა, პრობლემა იყო შარშანაც და პრობლემაა დღესაც“, - ამის შესახებ „კომერსანტს“ „მეგასპორტის“ დირექტორის მოადგილემ, ბიჭიკო ყელბერაშვილმა განუცხადა. კომპანია, რომელიც ისეთი საერთაშორისო ბრენდებს აერთიანებს როგორიცაა „The North Face“, „timberland“, „Diesel“ და „Dainese“ მნიშვნელოვანი გამოწვევების წინა დგას. „მეგასპორტისთვის“ ახლა ყველაზე რთული იმპორტის დღგ-ს წინასწარ გადახდაა. კომპანიაში იმედი აქვთ, რომ სახელმწიფო ქვეყნაში შექმნილ რთულ მდგომარეობას გაითვალისწინებს და ბიზნეს საშეღავათო პერიოდს დაუწესებს.

 

„იმპორტის დამატებული ღირებულების წინასწარ შეტანა ზიანს აყენებს არა მხოლოდ ჩვენი ტიპის კომპანიებს, არამედ ნებისმიერს. დღევანდელ პირობებში, როდესაც დღის წესრიგში ბიზნესის გადარჩენა დგას, ბიზნესი პროდუქციას უკვეთავს, პარალელურად კი დღგ გაქვს გადასახდელი, ეს ჩემია აზრით არასწორია. ხელისშემშლელი ფაქტორია განვითარებისთვის და გადარჩენისთვის.

 

იმ ორგანოს, რომელის ამ საკითხს წყვეტს, პრობლემის შესახებ ინფორმაცია აქვს, დიდი მოლოდინი არ გვაქვს, რომ რაღაც შეიცვლება, მაგრამ მაინც ვფიქრობთ, რომ შესაძლოა გარკვეული ნაბიჯები გადაიდგას. თუ იმპორტის დღგ წინასწარ არ გადაგვახდევინა სახელმწიფომ, ეს იქნება ძალიან კარგი ნაბიჯი. ნებისმიერ კომპანიას ხელ - ფეხი გაეხსნება, რადგან დარწმუნებული ვარ ყველა ბიზნეს ახლა ნაღდი ფულის გამოტანა უჭირს. არადა მათ პროდუქციით შევსება სჭირდებათ, რათა ნელ-ნელა საწყის ეტაპს დაუბრუნდნენ. თუ ეს ხელის შემწყობი ფაქტორი გვექნება, პანდემიამდელ მაჩვენებელს მალე დავუბრუნდებით. ეს იქნება სახელმწიფოს მხრიდან წინ გადადგმული ნაბიჯი და ბიზნესისთვის გარკვეული დახმარება“, - განაცხადა ბიჭიკო ყელბერაშვილმა.

 

იმპორტის დამატებული ღირებულების წინასწარ გადახადა დიდ ტვირთად აწვება „Gtex“ ჯგუფსაც. კომპანიის ხელმძღვანელი გიორგი ბასილაძე აცხადებს, რომ ბიზნესი ცდილობს გადაზიდვების რაოდენობა შეამციროს, რადგან კომპანიას იმპორტის დღგ-ს წინასწარ გადახდას უჭირს.


 

„ეს პირდაპირ იმპორტირებულ საქონელზე და იმპორტირებული საქონლის რაოდენობაზე აისახება. თუ იმპორტის დღგ წინასწარ არ გადაგვახდევინა სახელმწიფომ, ჩვენთვის დიდი შვება იქნება, ბიუჯეტი რა თქმა უნდა ამ თანხას დღეს დაკარგავს, მაგრამ ხვალ და ზეგ უფრო მეტს მიიღებს, რადგან ბევრ საქონელს წამოვიღებთ და ბიზნესს უფრო გავშლით. მაგალითად ჩვენ უნდა წამოგვეღო დაახლოებით ათი პარტია, ამის ნაცვლად შვიდი წამოვიღეთ, ჩვენი გადაზიდვები შევამცირეთ, რადგან იმპორტის დღგ ძალიან დიდ ტვირთად გვაწვება. ეს პრობლემა, რომ არ გვქონოდა, სახელმწიფო მყისიერად, იანვარში ნაკლებ დღგ-ის მიითვლიდა, სამაგიეროდ თებერვალში დაკომპენსირდებოდა, რადგან ბიზნესი იანვარში ბევრ პარტიას წამოიღებდა, რითაც ბიუჯეტი მეტ თანხას მიიღებდა. ახლა იანვარშიც ცოტა მიიღო და თებერვალშიც, შესაბამისად ჯამურად სახელმწიფოს სარგებელი ნაკლები იქნება, ვიდრე ეს დღგ-ს წინასწარ არ გადახდის შემთხვევაში იქნებოდა“, - განმარტავს გიორგი ბასილაძე.

 

ბიზნესმენი ერთმნიშვნელოვნად მიიჩნევს, რომ ამ რთულ პერიოდში სახელმწიფომ დღგ-ს წინასწარ გადახდა უნდა გადაავადოს.

 

„წლების წინ იმპორტის დღგ გადასახდელი იყო დეკლარაციის მიხედვით, ანუ როდესაც საქონლის რეალიზაცია ხდებოდა თანხას მაშინ ვიხდიდით, ახლა დღგ-ს რეალურად ვიხდით წინასწარ, თუმცა ესეც რამდენიმე ეტაპისგან შედგება.მსხვილ ორგანიზაციებს 30 დღიანი გადავადების შესაძლებლობა ჰქონდა, მაგრამ შემდეგ გააუქმეს და ახლა ხუთ დღეში ვიხდით.ორი აზრი არ არსებობს იმაზე, რომ საკითხი უნდა გადაიხედოს, ჩვენ ხომ გადარჩენაზე ვფიქრობთ, თუ არ გადავრჩით მერე სახელმწიფომ დაუკრას მუსიკა და იცეკვოს როგორც უნდა, გადამხდელი აღარ ეყოლება, თუ გადამხდელი არ იქნება რაღა აზრი ექნება დღგ-ს დაწესებას“, - განუცხადა „კომერსანტს“ გიორგი ბასილაძე.

 

შეგახსენებთ, რომ იანვარში ბიუჯეტის შემოსავალი დღგ-დან 14%-ით შემცირდა. იანვარში ფინანსთა სამინისტრომ დამატებული ღირებულების გადასახადიდან 293.8 მილიონი ლარის შემოსავალი მიიღო, რაც 2020 წლის იანვართან შედარებით 46.6 მილიონი ლარით, ანუ 14%-ით ნაკლებია.


ბაჩო ადამია





Samsung-ის კეცვადი სმარტფონების: Galaxy Z Fold3 და Galaxy Z Flip3-ის გაყიდვა დაიწყო!

Samsung-ის კეცვადი სმარტფონების: Galaxy Z Fold3 და Galaxy Z Flip3-ის გაყიდვა დაიწყო!
access_time2021-09-27 09:55:29
სამსუნგის უახლესი, დასაკეც ეკრანიანი სმარტფონების Galaxy Z Fold3-ისა და Galaxy Z Flip3-ის გაყიდვები უკვე დაიწყო.  სმარტფონების შეძენა შესაძლებელია სამსუნგის ყველა ოფიციალური პარტნიორის მაღაზიათა ქსელებსა და ონლაინ, მათი ვებ-გვერდების საშუალებით.    გაყიდვების დაწყებასთან ერთად, შეზღუდული დროითა და რაოდენობით, თქვენ საშუალება გაქვთ მიიღოთ დამატებით საჩუქრები სამსუნგისაგან: ორივე მოდელისთვის საჩუქრად გადმოგეცემათ 1 წლიანი...

სოხუმის დაცემის დღესთან დაკავშირებით მთავრობის ადმინისტრაციის შენობაზე სახელმწიფო დროშა დაეშვა

სოხუმის დაცემის დღესთან დაკავშირებით მთავრობის ადმინისტრაციის შენობაზე სახელმწიფო დროშა დაეშვა
access_time2021-09-27 01:10:27
სოხუმის დაცემის 28 წლისთავთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით, საქართველოს მთავრობის ადმინისტრაციის შენობაზე სახელმწიფო დროშა დაეშვა. ინფორმაციას მთავრობის ადმინისტრაციის პრესსამსახური ავრცელებს. „სახელმწიფო დროშა დაეშვა საქართველოს მთელს ტერიტორიაზე ყველა ადმინისტრაციულ შენობაზე“ – ნათქვამია ინფორმაციაში. 

ყველაზე მდიდარი და ღარიბი თვითმმართველობები საქართველოში

ყველაზე მდიდარი და ღარიბი თვითმმართველობები საქართველოში
access_time2021-09-26 16:00:14
...

როგორ შეიძლება შავი ზღვის რესურსების გამოყენება

როგორ შეიძლება შავი ზღვის რესურსების გამოყენება
access_time2021-09-26 14:00:36
...

ენგურჰესის კაშხლის ტურისტული ცენტრის მოსაწყობასდ 50 მილიონი ლარი იხარჯება

ენგურჰესის კაშხლის ტურისტული ცენტრის მოსაწყობასდ 50 მილიონი ლარი იხარჯება
access_time2021-09-26 11:00:06
საქართველოს ენერგეტიკის განვითარების ფონდის (GEDF) ხელმძღვანელის გიორგი ჩიქოვანის ინფორმაციით, ენგურჰესის კაშხლის ტურისტული მარშრუტი ვიზიტორებს ოქტომბრის ბოლოდან...


მსგავსი სიახლეები

up