დღის Top 10 საინტერესო ამბავი
1. შემოსავლების სამსახურის არაარგუმენტირებულმა საუბრებმა ბევრი ინვესტორი დაგვაკარგინა - საჭიროა თუ არა თიზ-ების კანონში ცვლილებების შეტანა
ფინანსთა სამინისტროს შემოსავლების სამსახური რამდენიმე თვის წინ თავისუფალ ინდუსტრიულ ზონებში არსებულ სავაჭრო კომპანიების დიდ ნაწილს უკავშირდებოდა და მოგების გადასახადის გადახდას სთხოვდა. როგორც „კომერსანტთან“ თიზ-ების წარმომადგენლები აცხადებდნენ, მწარმოებელი კომპანიების მიმართ საგადასახადო უწყებას არ აქვს მოგების გადასახადის მოთხოვნა.
2.ფინანსისტები ლარის რყევებს პროგნოზირებენ
არჩევნების შემდეგ სავალუტო ბაზარზე რყევის ნიშნები აშკარად შესამჩნევია. გარდა იმისა, რომ ლარის სტაბილურობაზე პოლიტიკური დაძაბულობა მოქმედებს, ეკონომიკური პროცესის გავლენაც დიდია. როგორც სპეციალისტები აღნიშნავენ, სავალუტო კურსს ძირითადად მაინც მოთხოვნა-მიწოდება განსაზღვრავს, რა მხრივაც ჯერჯერობით სერიოზული პრობლემაა.
3.წერეთლის ცნობილი ე.წ. მეორადების ადგილზე მრავალფუნქციური კომპლექსი აშენდება
წერეთლის ცნობილი ე.წ. მეორადების შენობა დაინგრევა. ადგილი, რომელიც ვინტაჟური ტანსაცმლის აღმოსაჩენად ყველაზე კარგი სივრცე იყო, უახლოეს მომავალში მრავალფუნქციურ კომპლექსად გადაიქცევა. დედაქალაქის მთავრობასთან პროექტი უკვე შეთანხმებულია, გაცემულია მშენებლობის ნებართვაც.
4. კემპინგი კომფორტულად - გლამურულ კარვებს უკვე აჭარაშიც შეხვდებით
საქართველოს ტურისტული სერვისი მხოლოდ საზღვაო და სამთო–სათხილამურო ზონებით აღარ შემოიფარგლება. ტურისტულ მომსახურებაში ახალი ხედვების ერთ–ერთი მაგალითი გლემფინგ კარვებია, რომელიც საქართველოს რეგიონებში სულ უფრო და უფრო პოპულარული ხდება.
5. „მე ვერსად გადავსახლდები - საბედნიეროდ არ ვარ ჯერ პოლიტიკაში“
„საბედნიეროდ, მე არ ვარ ჯერ პოლიტიკაში და ვერსად გადავსახლდები,“-ამის შესახებ ბიზნესმენმა, „რედიქს ჯგუფის“ დამფუძნებელმა ლაშა პაპაშვილმა რადიო „პალიტრასა“ და „პალიტრანიუსის“ გადაცემაში „საქმე“ განაცხადა, რითაც პაპაშვილი ერთგვარ კამპანიას გამოეხმაურა, რომელიც წალენჯიხაში სხვადასხვა ბიზნესსაქმიანობის გადატანას შეეხება.
6 .კოვიდით დღიურად გარდაცვლილთა რაოდენობამ ორთვიან მაქსიმუმს მიაღწია
კოვიდით გარდაცვალებულთა დღიურმა რაოდენობამ 6 სექტემბრის შემდეგ პირველად 60-ს გადააჭარბა. თუ სექტემბრის ბოლოს ინფიცირებულთა დღიური რაოდენობა 1500-2000-ის ფარგლებში მერყეობდა გასულ კვირას 4000-ს გადააჭარბა, მიმდინარე კვირაში კი ერთხელ 6000-ზე მეტი შემთხვევაც დაფიქსირდა.
7. სუპერმარკეტებში ხილ-ბოსტნეულის უმეტესობა უხარისხოა
აგრარული სფეროს სპეციალისტების ინფორმაციით, სუპერმარკეტებში წარმოდგენილი ხილ-ბოსტნეულის უმეტესობა სტანდარტს ვერ აკმაყოფილებს. ამის მიზეზად ტექნოლოგიური ჩამორჩენა მიიჩნევა. თუმცა პრობლემაა იმპორტულ პროდუქტთან დაკავშირებითაც. ვისაც ბოლო პერიოდში თუნდაც ერთხელ მაინც შეუძენია ქსელურ მარკეტებში აგრარული პროდუქტი, აუცილებლად დაადასტურებს, რომ ხარისხის დაბალი დონე ვიზუალურადაც შესამჩნევია.
8. საქართველოში ფქვილის იმპორტიორებს პრობლემებს უქმნიან - პურის მცხობელთა ასოციაცია
პრობლემებს უქმნიან ადამიანებს, რომლებსაც შემოაქვთ ფქვილი და სიკეთეს აკეთებენ - ამის შესახებ პურის მცხობელთა ასოციაციის ხელმძღვანელმა პურის ბაზარზე არსებული სიტუაციის მიმოხილვისას განაცხადა.
მალხაზ დოლიძის თქმით, მოკლედ იტყვის პრობლემის შესახებ და ეს უფლებამოსილმა პირებმა უნდა გაიგონ, რადგან ფქვილის შემომტანების დამსახურებით ხდება ფასის სტაბილიზაცია ბაზარზე.
9. Hr.ge-ზე გამოცხადებული ვაკანსიების 80% დედაქალაქზე მოდის
დასაქმების პლატფორმა hr.ge-ზე დარეგისტრირებული სამუშაოს მაძიებელთა რიცხვი პანდემიამდელ პერიოდთან შედარებით დაახლოებით 5-10%-ის ფარგლებში გაიზარდა. თუკი კორონავირუსის პანდემიის დაწყებამდე ყოველდღე საიტზე დაახლოებით 70-დან 100-მდე ადამიანი რეგისტრირდებოდა, ახლა ეს რიცხვი 100-დან 150-მდე მერყეობს.
10. ელექტროენერგიის ტრანზიტი 384%-ით გაიზარდა
გენერაციასა და მოხმარებასთან ერთად იანვარ-სექტემბერში საქართველოში ელექტროენერგიის ტრანზიტიც გაიზარდა. თუ გასული წლის პირველ 9 თვეში საქართველოს გავლით მეზობელ სახელმწიფოებს 102 მლნ კვტ/სთ ელექტროენერგია მიეწოდათ, წელს ეს რიცხვი 384%-ით 494 მლნ კვტ სთ-მდე გაიზარდა.