Hr.ge-ზე  გამოცხადებული ვაკანსიების  80% დედაქალაქზე მოდის

Hr.ge-ზე გამოცხადებული ვაკანსიების 80% დედაქალაქზე მოდის

access_time2021-11-05 15:00:13

დასაქმების პლატფორმა hr.ge-ზე დარეგისტრირებული სამუშაოს მაძიებელთა რიცხვი პანდემიამდელ პერიოდთან შედარებით დაახლოებით 5-10%-ის ფარგლებში გაიზარდა. თუკი კორონავირუსის პანდემიის დაწყებამდე ყოველდღე საიტზე დაახლოებით 70-დან 100-მდე ადამიანი რეგისტრირდებოდა, ახლა ეს რიცხვი 100-დან 150-მდე მერყეობს. hr.ge-ს რეგიონული მენეჯერის ინგა შახბაზიანის ინფორმაციით, გამოცხადებულ ვაკანსიებში გაყიდვები ტრადიციულად პირველ ადგილზეა, ხოლო ვაკანსიების 80% დედაქალაქზე მოდის.



„ჩვენ დასაქმების პლატფორმას აქვს სამუშაოს მაძიებლებისთვის სპეციალური რეგისტრაცია. ეს ბაზა ყოველდღიურად იზრდება. ნორმალური აქტიურობით გამოირჩეოდა ოქტომბერიც, ჯამურად დაახლოებით 4500-მდე ვაკანსია დაიდო. ძირითადი მიმართულება -  გაყიდვები ტრადიციულად  პირველ ადგილზეა, მეორე ადგილზეა კლიენტთა მომსახურება, შემდეგ მოდის ბუღალტერია-ფინანსები,  ჰორეკა სექტორიც ერთ-ერთ მოწინავე პოზიციაზეა, რასაც მოსდევს სამედიცინო სფერო და IT ტექნოლოგიები, რომელიც ბოლო პერიოდის განმავლობაში თანდათან მოთხოვნადია. პანდემიის ფონზე კლება ნამდვილად არ არის, შეიძლება ითქვას, რომ შრომის ბაზარზე მეტნაკლებად სტაბილური ვითარებაა. ყოველდღიურად 100-დან 150-მდე მომხმარებელი რეგისტრირდება. ჯამურად დღესდღეობით აქტიურია 4200 განცხადება, აქედან 80%-მდე თბილისის ვაკანსიებია, დანარჩენი რეგიონებზე მოდის. შედარებისთვის 2020 წელი ნაკლებად გამოდგება, რადგან პანდემიური წელი იყო და ეკონომიკა ფაქტობრივად არ მუშაობდა.  ხოლო 2019 წლის მაჩვენებელს თუ შევადარებთ,  ზრდა ჯერჯერობით უმნიშვნელოა, 5-10%-ს არ აღემატება. წლიდან წლამდე მატებას ველოდით, მაგრამ ასე არ მოხდა“, - აცხადებს ინგა შახბაზიანი ,,კომერსანტთან“.



აღსანიშნავია, რომ დასაქმების გაზრდის მიზნით დაიწყო მერიამ მუნიციპალური პროგრამა  „ისწავლე და დასაქმდი“.   პროგრამის მონაწილეთა მომზადება-გადამზადებისთვის საჭირო გადასახადს მუნიციპალიტეტი თვითონ უზრუნველყოფს.



პროგრამა 2018 წლიდან ამოქმედდა, 2018 - 2020 წლებში მასში  4500-ზე მეტი მოქალაქე ჩაერთო. მერიის ინფორმაციით,  მათგან უმრავლესობა უკვე დასაქმებულია.


 


ცნობისთვის, საერთაშორისო სავალუტო ფონდმა (IMF) 2021 წლის სექტემბერში საქართველოს ეკონომიკის შესახებ მორიგი მიმოხილვა გამოაქვეყნა. დოკუმენტის მიხედვით, კრიტიკულად მნიშვნელოვან საკითხად ქვეყანაში არსებული მაღალი უმუშევრობის დონე იქნა მიჩნეული.



როგორც ანგარიშშია აღნიშნული, 2019 წლის მეოთხე კვარტლიდან 2021 წლის მეორე კვარტლის ჩათვლით, საქართველოში დასაქმებულთა რაოდენობა 62,000 ათასით შემცირდა. ამ პერიოდის განმავლობაში უმუშევარი გახდა 90,000 ადამიანი, ხოლო დაახლოებით, 27,000 სამუშაო ძალას შეუერთდა.



შედეგად, საქართველოში უმუშევრობა დაახლოებით 5 პროცენტული პუნქტით გაიზარდა და მან 22.1%-ს მიაღწია.



საქართველოში ახალგაზრდებში უმუშევრობა რეგიონში ერთ-ერთი ყველაზე მაღალია და უმუშევრების თითქმის ნახევარი 34 წელზე უმცროსია. 

 

მარი ჩიტაია





„თეგეტა“ 2022 წელს სრული მომსახურების ციფრულ პლატფორმებზე მოქცევას გეგმავს

„თეგეტა“ 2022 წელს სრული მომსახურების  ციფრულ პლატფორმებზე მოქცევას გეგმავს
access_time2022-01-26 18:55:52
ციფრული სისტემებისა და ელექტრონული კომერციის მსოფლიო ტენდენციების ფონზე მომხმარებლისთვის თეგეტას ერთ გაჯეტში მოქცევა  ბოლო წლების პრიორიტეტია - ამის შესახებ კომერსანტთან „თეგეტა ჰოლდინგის“ აღმასრულებელმა დირექტორმა ვახტანგ კაჭარავამ ისაუბრა. მისი თქმით, დიჯიტალიზაციის მიზანია ავტომობილის მფლობელებს კიდევ უფრო...

“ჯორჯიან ეარვეისმა” მოსკოვის მიმართულებით პირდაპირი რეისი გააუქმა

“ჯორჯიან ეარვეისმა” მოსკოვის მიმართულებით პირდაპირი რეისი გააუქმა
access_time2022-01-26 18:55:58
ავიაკომპანია "ჯორჯიან ეარვეისმა” მოსკოვის მიმართულებით პირდაპირი ფრენა გააუქმა. ამის შესახებ ინფორმაციას კომპანია ავრცელებს. შეგახსენებთ, რომ დღეს დილით გავრცელდა ინფორმაცია, რომ “ჯორჯიან ეარვეისმა” მოსკოვის მიმართულებით პირდაპირი რეისი ჩანიშნა. პირდაპირი რეისი თბილისი-მოსკოვი-თბილისის მიმართულებით 28 იანვარს უნდა შესრულებულიყო.

დღის TOP10 საინტერესო ამბავი

დღის TOP10 საინტერესო ამბავი
access_time2022-01-26 21:00:18
დღის TOP10 საინტერესო ამბავი1. ქართული ღვინის ექსპორტზე უკრაინაში მიმდინარე მოვლენების გავლენა ჯერ არ...

26 იანვარი - ლარის კურსი დოლართან, ევროსთან და რუბლთან მიმართებით გამყარდა

26 იანვარი - ლარის კურსი დოლართან, ევროსთან და რუბლთან მიმართებით გამყარდა
access_time2022-01-26 18:00:52
26 იანვრის ვაჭრობის შედეგად ლარი აშშ დოლართან მიმართებაში 0.24 თეთრით 3.0696- მდე გამყარდა. Bloomberg-ის პლატფორმაზე დღის ბოლოს კურსმა 3.0635 შეადგინა. საერთაშორისო ვალუტებიდან ლარი ევროსთან 0.36 თეთრით 3.4625-მდე, 100 რუსულ რუბლთან 3.22 თეთრით 3.8759-მდე,  1000 სომხურ დრამთან კი 1.49 თეთრით 6.3685-მდე, აზერბაიჯანულ მანათთან 0.14 თეთრით 1.8052-მდე გამყარდა. ბრიტანულ ფუნტთან 1.06 თეთრით 4.1464-მდე, თურქულ ლირასთან 0.01...

„თეგეტამ“ სპეციალური და მძიმე ტექნიკის მიმართულება გააფართოვა

„თეგეტამ“ სპეციალური და მძიმე ტექნიკის მიმართულება გააფართოვა
access_time2022-01-26 16:55:34
საერთაშორისო კრიზისის მიუხედავად, თეგეტა ჰოლდინგმა გასულ წელს მძიმე და  სპეციალური ტექნიკის მიმართულების გაფართოება შეძლო. ამის შესახებ ჰოლდინგის აღმასრულებელმა დირექტორმა, ვახტანგ კაჭარავამ კომერსანტთან წლის შემაჯამებელ ინტერვიუში ისაუბრა. კომპანიამ 2021 წელს რამდენიმე ახალი ბრენდი დაიმატა, მათ შორის: Renault-ის სატვირთო მიმართულება, რომლის გაყიდვებსაც 2022 წლის მეორე კვარტლიდან დაიწყება, სამშენებლო მიმართულებით FIAT ჯგუფის ბრენდები,  Marin და...


მსგავსი სიახლეები

up