გიორგი ცუცქირიძე - ბანკი მოქალაქეთა ქონების ხელში ჩაგდებითა და გამოსახლებით დაინტერესებული არ არის

access_time2018-02-09 10:40:11

საზოგადოებამ უნდა იცოდეს, რომ, ბანკი მოქალაქეთა ქონების ხელში ჩაგდებითა და გამოსახლებით დაინტერესებული არ არის – ამის შესახებ „საბანკო ასოციაციის“ ვიცე პრეზიდენტმა, გიორგი ცუცქირიძემ პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას განაცხადა.


გადაცემის წამყვანის შეკითხვაზე, მოთხოვნის გარეშე, რატომ ეგზავნებათ მოქალაქეებს წინასწარ დამტკიცებული სესხების შესახებ შეტყობინებები და რატომ გაიცემა სესხი შემოსავლის არმქონე მოქალაქეზე, გიორგი ცუცქირიძემ განაცხადა, რომ ბანკი საკრედიტო ბიუროში შედის და ამოწმებს, სადაც ჩანს, მოქალაქეს რამდენი სესხი აქვს აღებული.


„ეს საერთაშორისო პრაქტიკაა. ბანკი საკრედიტო ბიუროში შედის და ამოწმებს, რამდენი სესხი და რა რეიტინგი აქვს მოქალაქეს, არის თუ არა ის პრობლემური გადამხდელი და ა.შ. ამ შემთხვევაში, ბანკი სესხს არ გასცემს. შეტყობინებებს რაც შეეხება, იქაც არ არის ისე, რომ 1000 ლარამდე წინასწარ დამტკიცებული სესხი დადასტურებისთანავე ჩაგერიცხებათ. ძირითადად, ეს იმ კლიენტებზეა გათვლილი, რომლებიც ხელფასს კონკრეტულ ბანკში იღებენ, რომელიც სესხს სთავაზობს. მათ მისდით სმს, რომ შესაძლოა, თქვენი შემოსავლიდან გამომდინარე, ამ რაოდენობის სესხი დაგიმტკიცდეთ. თუ თქვენ ეტყვით, რომ სესხის დამტკიცება გინდათ, ანგარიშზე თანხის ჩარიცხვა მხოლოდ ამის შემდეგ ხდება“, – განაცხადა ცუცქირიძემ.




მაკა ცინცაძის შეკითხვაზე, აძლევენ თუ არა ბანკები კრედიტებს ისეთ ადამიანებს, რომლებსაც შემოსავალი არ აქვთ, გიორგი ცუცქირიძემ განაცხადა, რომ ცალკეული შემთხვევების განზოგადება არ შეიძლება.


„საკმარისია, ბანკმა სესხი 1000 უმუშევარ ადამიანს მისცეს, ან ქონება არასწორად შეაფასოს, ან მოქალაქის შემოსავალი არ იყოს დადასტურებული და ეროვნული ბანკი მას ჯარიმებს დაუწესებს, რაც 5 000 ლარიდან იწყება. მეორეც, ყველა ასეთ სესხზე ეროვნული ბანკი კომერციულ ბანკს 100%–ის დარეზერვებას მოსთხოვს და რომელი ბანკი, რომელი ჭკუათმყოფელი წავა იმაზე, რომ მთელი თავისი შემოსავალი დაარეზერვოს და ხარჯებში გაუშვას?!“, – განაცხადა ცუცქირიძემ.




„ბიტკოინი: იყავი საკუთარი თავის ბანკი“ – უქმნის, თუ არა კრიპტოვალუტა ბანკებს საფრთხეს?

person access_time2018-02-18 20:00:02
“Bitcoin: Be your own bank“...

გერმანიის შს მინისტრი - თუ ვიზის დამრღვევთა რიცხვი გაიზრდება, ამ მექნიზმის ამოქმედებას დავიწყებთ, ყველაფერი საქართველოზეა დამოკიდებული

person access_time2018-02-18 09:05:44
თუ ვიზის დამრღვევთა რიცხვი გაიზრდება, შემდეგ ჩვენ ამ მექნიზმის ამოქმედებას დავიწყებთ . ასე, რომ ყველაფერი საქართველოზეა დამოკიდებული, - ამის შესახებ გერმანიის შინაგან საქმეთა მინისტრმა ტომაზ დე მაიზერმა ქართველ ჟურნალისტებს გერმანიაში განუცხადა. გერმანიის შინაგან საქმეთა მინისტრის განცხადებით, ის საქართველოს საგარეო საქმეთა მინისტრს მიხეილ ჯანელიძეს...

ელენ დეჯენერესი ბიტკოინზე: „ან მილიონერი გახდებით ან გაკოტრდებით“

person access_time2018-02-17 12:00:15
დღეს თითქმის ყველა ბიტკოინთან დაკავშირებით საუბრობს, თუმცა რა არის ბიტკოინი, ამისი ახსნა ბევრს გაუჭირდება. ცნობილმა ამერიკელმა ტელეწამყვანმა, ელენ დეჯენერესმა საბაზრო კაპიტალიზაციით უმსხვილეს კრიპტოვალუტასთან დაკავშირებით ისაუბრა და ზემოთაღნიშნულ გარემოებას გაუსვა ხაზი.   „ბიტკოინი წააგავს დამაბნეველი სცენარის მქონე ფილმს - თქვენი მეგობრები უყურებენ მას და არ იმჩნევენ, რომ ფილმში არაფერი არ ესმით. ამ დროს კი თქვენც ისეთი სახე გაქვთ, თითქოს ყველაფერი გაიგეთ,“-...

ბილ და მელინდა გეიტსები: „არასამართლიანია, რომ ასეთი მდიდრები ვართ“

person access_time2018-02-17 14:00:06
ბილ გეიტსი მსოფლიოში ყველაზე მდიდარი ადამიანების სიაში მეორე ადგილს იკავებს, რაც მას დიდ ძალაუფლებას ანიჭებს. იგი აღნიშნულ ძალაუფლებას ფილანტროპიული მიზნებისთვის იყენებს - 2000 წელს ბილ გეიტსმა მეუღლესთან, მელინდასთან ერთად „ბილ და მელინდა გეიტსების ფონდი“ დააარსა, რომლის მიზანსაც სიღარიბის, შიმშილის, უთანასწორობისა და დაავადებების წინააღმდეგ ბრძოლა წარმოადგენს.   ფონდის საქმიანობასთან დაკავშირებით, ბილ და მელინდა გეიტსებმა ხშირად დასმულ 10 შეკითხვას გასცეს პასუხი....

„ეფლი“, „გუგლი“, „თურქული ავიახაზები“ და სხვა ცნობილი კომპანიები, რომელთა აქციონერიც ბიძინა ივანიშვილია

person access_time2018-02-17 10:00:01
“2017 წლის 27 დეკემბრის მონაცემებით, საქართველოს ყოფილი პრემიერ-მინისტრის ბიძინა ივანიშვილის ქონება 5.80 მლრდ აშშ დოლარს შეადგენს”, – ამის შესახებ ინფორმაცია „ბლუმბერგის“ 2017 წლის მილიარდერების სიაშია მოცემული, რომელშიც...


მსგავსი სიახლეები