2018 წელს საქართველოში იაფი გაზის წილი გაიზრდება

2018 წელს საქართველოში იაფი გაზის წილი გაიზრდება

access_time2017-12-07 11:10:40

დაახლოებით ერთ წელიწადში საქართველოს გაზის ნატურით მიღების ახალი შესაძლებლობა ექნება.  როგორც სპეციალისტები ვარაუდობენ, "სამხრეთის გაზის დერეფნის" ფარგლებში საქართველოს ტერიტორიაზე სამშენებლო სამუშაოების დასრულება ძვირი გაზის იმპორტს ცოტათი შეამცირებს და გარკვეული მოცულობის გაზის შეღავათიან ფასად შესყიდვის საშუალებაც გაჩნდება.


როგორც გაზეთი „რეზონანსი" წერს, სულ ახლახან ცნობილი გახდა, რომ საქართველოს ტერიტორიაზე "სამხრეთის გაზის დერეფნის" პროექტის ფარგლებში სამშენებლო სამუშაოები დასრულდა. ეს ინფორმაცია კომპანია "ბიპის" რეგიონალურმა პრეზიდენტმა გერი ჯონსმა დაადასტურა.


მისი თქმით, "სამხრეთის გაზის დერეფნის" ფარგლებში გათვალისწინებული პროექტები შეთანხმებული ბიუჯეტისა და დადგენილი გრაფიკის მიხედვით ხორციელდება და მილსადენი მზად არის.


"ვფიქრობ, რომ "შაჰდენიზის საბადოდან" საქართველოს გავლით ევროპაში ბუნებრივი აირის მიწოდებას 2018 წლის მეორე ნახევრიდან დავიწყებთ", - აცხადებს ჯონსი.


"ბიზნესკონტრაქტის" ინფორმაციით, "სამხრეთის გაზის დერეფნის" ფარგლებში 3 500-კილომეტრიანი გაზსადენის ინფრასტრუქტურა უნდა შეიქმნას, რომელიც ექვს სახელმწიფოზე გაივლის.


ქართული მხარე გლობალურ პროექტზე დიდ იმედს ამყარებს. ანალიტიკოსების შეფასებით, ეკონომიკურ სარგებელთან ერთად, საქართველო ამით პოლიტიკურ დივიდენდსაც მიიღებს, რადგანაც იგი ქვეყნის უსაფრთხოებისთვის მნიშვნელოვანი პროექტია.



"ენერგომატარებლების მიწოდების თვალსაზრისით, "სამხრეთის გაზის დერეფნის" პროექტის ამოქმედება საქართველოს სერიოზულ სარგებელს მოუტანს. პირველ რიგში, ჩვენთვის საინტერესოა ფაქტი, რომ პროექტი რუსეთის გვერდის ავლით ხორციელდება. პირდაპირ ჩანს, რომ საქართველოსთვის იგი პოლიტიკურად ძალიან კარგი პროექტია, რაც პროექტის ფარგლებში იკვეთება.


მსგავსი ტიპის ინფრასტრუქტურა, უსაფრთხოების თვალსაზრისით, დიდ შანსს გვაძლევს, რადგან მისი ოპერატორები, მომხმარებლები და სხვა პროექტთან დაკავშირებული მხარეები დაინტერესებული არიან ამ ტერიტორიაზე სტაბილურობითა და მშვიდობით. შესაბამუსად, ეს არის სერიოზული პოლიტიკური დივიდენდი და უსაფრთხოების ერთ-ერთი გარანტი ქვეყნისთვის.


არანაკლებ მნიშვნელოვანია ეკონომიკური სარგებელი, რასაც ქვეყანა მიიღებს. ბუნებრივია, ჩვენ გვეკუთვნის ტრანზიტის ღირებულება და მას მივიღებთ ნატურით. გარდა ამისა, გარკვეული რაოდენობის ბუნებრივი აირის შესყიდვა შეღავათიან ფასადაც შეგვეძლება", - განუცხდა "რეზონანსს" ანალიტიკოსმა გია ხუხაშვილმა და დასძინა, რომ "გაზპრომთან" დადებული ხელშეკრულებით დაზარალებულ საქართველოს გაზის მოცულობის დასაბალანსებლად ამიერიდან ახალი შესაძლებლობა გაუჩნდება.


"სამხრეთის გაზის დერეფნის" პროექტის ჩაშვება ჩვენთვის ძალიან მნიშვნელოვანია გაზის მოთხოვნილების დასაბალანსებლად და საკუთარი ენერგოუსაფრთხოების უზრუნველსაყოფად, განსაკუთრებით იმ პერიოდში, როცა მოგვაკლდა მაგისტრალური გაზსადენიდან გაზის ნატურით მიღების შესაძლებლობა, რაც ჩვენთვის ბოლო დროის დიდი წარუმატებლობაა. ამით საერთო ბალანსიდან გაზის დიდი რაოდენობა დაგვაკლდა.


სამომავლოდ შეგვეძლება, ბუნებრივი აირი ნატურით მივიღოთ და გარკვეული მოცულობაც შეღავათიან ფასად შევიძინოთ. ეს, ცხადია, მნიშვნელოვნად ვერ შეამცირებს იმპორტს, მაგრამ ცოტაოდენი შეღავათი მაინც გვექნება, რაც საბოლოოდ სატარიფო პოლიტიკაზეც აისახება და ქვეყნისთვის ეკონომიკურად ძალიან მომგებიანია", - აცხადებს ხუხაშვილი.


შეგახსენებთ, რომ "სამხრეთის გაზის დერეფანი" სამი ცალკეული მილსადენისგან შედგება. პირველი - სამხრეთკავკასიური მილსადენი, ანუ ბაქო-თბილისი-ერზრუმი, რომელიც საქართველოსა და აზერბაიჯანს აერთიანებს. სამხრეთკავკასიური მილსადენით გათვალისწინებულია პროექტ "შაჰ-დენიზის" ფარგლებში მოპოვებული გაზის გადაქაჩვა. ეს მილსადენი იწყება ბაქოში, გაივლის მთელ აზერბაიჯანს, საქართველოს და თურქეთის საზღვარზე სრულდება.


მილსადენის წლიური გამტარუნარიანობა 9 მილიარდი კუბური მეტრია, თუმცა მომავალში ის 25 მილიარდამდე გაიზრდება.


ეს პირველი შემთხვევაა, როდესაც კასპიის ზღვის ბუნებრივი აირი ევროპაში მოხვდება. აქამდე მას მხოლოდ საქართველო და თურქეთი ყიდულობდა, ხოლო ყაზახეთი და თურქმენეთი, ძირითადად, რუსულ და ჩინურ ბაზრებზე აკეთებენ აქცენტს.



„რეზონანსი“



რა პროფესიების არიან და სად მიიღეს უმაღლესი განათლება ქართველმა მინისტრებმა

რა პროფესიების არიან და სად მიიღეს უმაღლესი განათლება ქართველმა მინისტრებმა
person access_time2018-04-22 13:00:52
დღეს...

ანდრია გვიდიანი: „რაც უფრო გავწელავთ კაპიტალის ბაზრის განვითარებას, მით უფრო ძვირი დაგვიჯდება ეს პრობლემა“

ანდრია გვიდიანი: „რაც უფრო გავწელავთ კაპიტალის ბაზრის განვითარებას, მით უფრო ძვირი დაგვიჯდება ეს პრობლემა“
person access_time2018-04-22 16:00:24
ქვეყანაში კაპიტალის ბაზრის არსებობის მნიშვნელობაზე ისაუბრა  ახალგაზრდა ფინანსისტთა და ბიზნესმენთა ასოციაციის ანალიტიკოსმა ანდრია გვიდაინმა რადიო „კომერსანტის“ გადაცემაში „კომერსანტის თემა სალომე სოსელაისთან ერთად“. მისი თქმით, კომერციული ბანკების ინტერესში არ შედის  კაპიტალის მოძიებისთვის ალტერნატიული წყაროები გაჩნდეს.   „მიკროსაფინანსო ორგანიზაციების საქმიანობა თავიდან ბოლომდე მორგებულია მხოლოდ იპოთეკური და ფიზიკური პირების დაკრედიტებაზე. მათ შორის...

ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“

ლევან კობერიძე: „თამბაქოს კონტროლის შესახებ“ კანონი ეკონომიკურ ზარალს არ მოგვიტანს“
person access_time2018-04-21 15:59:55
დიღმის მასივში, სანაპიროზე მდებარე რესტორნებში „თამბაქოს კონტროლის შესახებ“ კანონთან დაკავშირებით საინფორმაციო ხასიათის კამპანია ჩატარდა.  ღონისძიებაში „თამბაქოს კონტროლის ალიანსმა“, პარლამენტის წევრებმა და საპატრულო პოლიციის წარმომადგენლებმა მიიღეს მონაწილეობა. როგორც პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილემ ლევან კობერიძემ „კომერსანტს“ განუცხადა, ჯამში 4 ობიექტი მოინახულეს და ყველა მათგანი მზად არის ახალი ნორმის...

"საქართველოში კრიპტოვალუტის ინფრასტრუქტურის პირველი მაღაზია გაიხსნა"

person access_time2018-04-21 13:09:10
კრიპტოვალუტის მაინერებზე და ვიდეობარათებზე მოთხოვნა ამჟამად შემცირებულია, -ამის შესახებ Bm.ge-ს კომპანია MiningShop.ge-ს დამფუძნებელმა სოსო ნადაშვილმა განუცხადა, რომელმაც საქართველოში პირველი მაღაზია გახსნა, სადაც კრიპტოვალუტის ინფრასტრუქტურისთვის საჭირო მოწყობილობებს...

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა

CNN: ასობით ცნობილი ბრენდის რეკლამები YouTube-ის ექსტრემისტულ არხებზე ხვდებოდა
person access_time2018-04-21 14:00:04
...


მსგავსი სიახლეები