არჩევნების მეორე ტურში ხუთ ოლქში „ქართული ოცნების“ კანდიდატებმა გაიმარჯვეს, ერთში კი - დამოუკიდებელმა კანდიდატმა

access_time2017-11-13 12:48:30

საქართველოს ექვს საარჩევნო ოლქში 12 ნოემბერს ჩატარებული, მერის არჩევნების მეორე ტურის წინასწარი შედეგებით, ხუთ ოლქში გაიმარჯვეს მმართველი პარტიის, „ქართული ოცნების კანდიდატებმა, ხოლო ერთ ოლქში, ოზურგეთში დამოუკიდებელმა კანდიდატმა.

 

ადგილობრივი თვითმმართველობის არჩევნების მეორე ტური გაიმართა ექვს მუნიციპალიტეტში - თვითმმართველ ქალაქ ქუთაისში და მარტვილის, ოზურგეთის, ბორჯომის, ხაშურისა და ყაზბეგის თვითმმართველ თემებში.

 

დღევანდელ ბრიფინგზე ცესკო-ს სპიკერმა, ანა მიქელაძემ განაცხადა, რომ წინასწარი შედეგებით, თვითმმართველ ქალაქ ქუთაისში, „ქართული ოცნების მერობის კანდიდატმა, გიორგი ჭიღვარიამ მიიღო ხმების 87,55%, ხოლო ერთიანი ნაციონალური მოძრაობის კანდიდატმა, გრიგოლ ვაშაძემ 12,45%. წინასწარი შედეგებით, ყაზბეგის საარჩევნო ოლქში ქართული ოცნების კანდიდატს, ალექსანდრე ზაგაშვილს აქვს ხმების 68,65%, ბლოკის, დემოკრატიული მოძრაობა - თავისუფალი საქართველოს კანდიდატს, სანდრო ყამარაულს კი, 31,35%. ხაშურის თვითმმართველი თემის მერის არჩევნების მეორე ტურში ქართული ოცნების კანდიდატმა, გიორგი გურასპაშვილმა მიიღო 61,31%, ხოლო დამოუკიდებელმა კანდიდატმა, რამაზ ნოზაძემ 38,69%. წინასწარი შედეგებით, ბორჯომის მერად 55,22%-ით არჩეულია „ქართული ოცნების კანდიდატი, ლევან ლიპარტია, მისმა კონკურენტმა, „პატრიოტთა ალიანსის კანდიდატმა, ზაზა ჩაჩანიძემ კი ხმების 44,78% მიიღო. მარტვილის ოლქში ხმების 93,04% აქვს „ქართული ოცნების კანდიდატს, ალექსანდრე გრიგალავას და 6,96% „ნაციონალური მოძრაობის კანდიდატს, მამუკა დანელიას. წინასწარი შედეგებით, ოზურგეთში მერობის დამოუკიდებელმა კანდიდატმა, კონსტანტინე შარაშენიძემ გაიმარჯვა ხმების 50,11%-ით, მისმა კონკურენტმა ქართული ოცნებიდან ბეგლარ სიორიძემ კი ხმების 49,89% მიიღო.

 

კენჭისყრასყრაში მონაწილეობა მიიღო 109 119-მა ამომრჩეველმა, რაც საერთო რაოდენობის 33.24%%-ია.



გიორგი ღაღანიძე ხელისუფლებას 4 ქვეყნის თავისუფალი სავაჭრო ზონის შექმნას სთავაზობს

person access_time2017-11-24 17:00:43
„წლების წინ, როდესაც რუსული სამხედრო ბაზების გაყვანა დაიწყო, მაშინ გვქონდა იდეა, რომ სამცხე-ჯავახეთში, იქ სადაც ეს ბაზა იყო, მოწყობილიყო თავისუფალი სავაჭრო ზონა, თუმცა იდეა არ განხორციელდა“, - განაცხადა რადიო „კომერსანტის“ გადაცემაში „პროფესიონალები“ თსუ-ს პროფესორმა, ეკონომისტმა გიორგი ღაღანიძემ. მისივე თქმით, ახლა, როდესაც ბაქო-თბილისი-ყარსის რკინიგზა ამოქმედდა, სავაჭრო ზონის გაკეთება ყველაზე კარგი გადაწყვეტილება იქნება. „საქართველოს აქვს...

კახა კალაძე: ქალაქის ბიუჯეტის დაახლოებით 38% სოციალურ პროგრამებზე იხარჯება

person access_time2017-11-24 15:30:19
თოქ-შოუში „რეაქცია“ თბილისის მერმა კახა კალაძემ განაცხადა: „მძიმე სოციალური ფონია ქალაქში და ზოგადად ქვეყანაში, სწორედ ამიტომ ქალაქის ბიუჯეტის დაახლოებით 38% მიდის სოციალურ დახმარებებზე“. ფაქტ-მეტრმა ამ განცხადების სიზუსტე გადაამოწმა სოციალური ხარჯები მოიცავს როგორც სოციალურ უზრუნველყოფაზე, ასევე ჯანმრთელობის დაცვაზე გაწეულ ხარჯებს. 2017 წლის თბილისის ბიუჯეტის მთლიანი ხარჯები 585 მლნ 263 ათასი ლარია. აქედან...

„2017 წლის ბიუჯეტის 305 მილიონი ლარით ზრდა ლარის კურსზე არ იმოქმედებს“

person access_time2017-11-24 13:20:12
2017 წლის ბიუჯეტის 305 მილიონი ლარით ზრდა ლარის კურსზე არ იმოქმედებს, – ამის შესახებ საქართველოს ფინანსთა მინისტრის მოადგილემ გიორგი კაკაურიძემ პარლამენტის ბიუროს სხდომაზე განაცხადა. როგორც კაკაურიძე აცხადებს, დამატებული თანხა 2018 წელს დაიხარჯება. „ბიუჯეტის ხარჯვითი ნაწილის ზრდა 305 მილიონი ლარით მოხდება. თუმცა, ეს თანხა ემატება ბიუჯეტს 2018 წელს განსახორციელებელი ღონისძიებებისთვის. წელს ამ თანხის ხარჯვა არ მოხდება. თანხები მოხვდება საწარმოების...

საქართველოში ელექტროავტობუსების წარმოების დასაწყებად 5 მილიონის ინვესტიცია ჩაიდება

person access_time2017-11-24 11:10:03
საქართველოში ელექტროავტობუსების წარმოება დაიწყება. პროექტის განხორციელებას ქართული ფრეგობასი, გერმანელ და ჩინელ პარტნიორებთან ერთად გეგმავს. ერთობლივი კორპორაციის დაფუძნებაზე მემორანდუმი უკვე გაფორმდა. ქართული კომპანიის მენეჯმენტი აცხადებს, რომ პროექტის ტექნიკურ-ეკონომიკური დასაბუთება მიმდინარეობს და ოპტიმისტური გათვლებით ისინი 1.5 წელიწადში პირველი პარტიის გამოშვებას ელიან. ელექტროავტობუსები განკუთვნილი იქნება, როგორც...

„გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან“ - შს მინისტრი ჩატარებულ სპეცოპერაციაზე

person access_time2017-11-23 11:47:50
საქმე გვაქვს საერთაშორისო ტერორიზმის ფაქტთან, - ასე უპასუხა შინაგან საქმეთა მინისტრმა გიორგი გახარიამ კითხვას იმის შესახებ, საქართველოს გარდა, რომელ ქვეყნებში მიმდინარეობს გამოძიება გუშინ გამოვლენილ დანაშაულებრივ ჯგუფთან დაკავშირებით. „იყო ნათქვამი და ნათქვამია, რომ გამოძიება მიმდინარეობს სხვა ქვეყნებშიც - საქმე გვაქვს საერთაშორისო ტერორიზმის ფაქტთან. მიმდინარეობს გამოძიება და დაველოდოთ,- განაცხადა გახარიამ. რაც შეეხება იმას, შეგვიძლია თუ არა...


მსგავსი სიახლეები