მეტროსადგურ “უნივერსიტეტის” გახსნისას ახალი დიზაინის ვაგონები შევა ექსპლუატაციაში

მეტროსადგურ “უნივერსიტეტის” გახსნისას ახალი დიზაინის ვაგონები შევა ექსპლუატაციაში

access_time2017-09-12 09:50:30

დედაქალაქის მეტროპოლიტენის მოძრავი შემადგენლობების განახლებისა და მოდერნიზაციის პროექტის ფარგლებში, თბილისის სატრანსპორტო კომპანიას, სრულიად ახალი ფორმისა და დიზაინის, 4 მოდერნიზებული ვაგონი გადაეცა, რომლებიც კომპანიის მფლობელობაში არსებული ელექტრო მოძრავი შემადგენლობის სარემონტო ქარხანაში განახლდა. მოძრავმა შემადგენლობებმა პირველადი ტესტირება დღეს გაიარეს.

 

სარემონტო ქარხანაში ახალი ვაგონები თბილისის მერმა დავით ნარმანიამ, მერის მოადგილე ირაკლი ლექვინაძემ, სატრანსპორტო კომპანიის დირექტორმა ნუგზარ ჭეიშვილმა და ქარხნის დირექტორმა გელა ძიძიკაშვილმა დაათვალიერეს.

 

​როგორც დავით ნარმანიამ განაცხადა, ეს არის პირველი მატარებელი, რომელსაც სრული მოდერნიზაცია ჩაუტარდა, რომელიც ახალი მერტოსადგურის გახს4I0A9442ნისთანავე შევა ექსპლუატაციაში.

 

„დარწმუნებული ვარ, მგზავრებს მოეწონებათ და გაცილებით კომფორტულად იმგზავრებენ, ვიდრე მანამდე. ეტაპობრივად, დაგეგმილია ყველა ვაგონის მოდერნიზაცია“, – განაცხადა თბილისის მერმა.​

 


  

width=505

 

 

​როგორც “სითი კვირას” თბილისის მერიის პრესსამსახურში განუმარტეს, მოდერნიზაციის ფარგლებში, შეიცვალა მემანქანის კაბინის ფორმა და გაიზარდა მისი მოცულობა, რამაც შექმნა დამატებითი სივრცე მემანქანისთვის. კაბინა აღიჭურვა თანამედროვე ტიპის მართვის პულტით. სალონში არსებული ძველი სანათების ადგილას, ახალი, დიოდური სანათები დამონტაჟდა, შეიცვალა ვაგონების გარე და შიდა დიზაინი და ფერები.   ვაგონებში კი, შიდა და გარე დაკვირვების, ასევე, ბაქანის საკონტროლო კამერები დამონტაჟდა. მგზავრების კომფორტისთვის, ვაგონებში განთავსდა სპეციალური მონიტორები და მობილური მოწყობილობების დასამუხტი USB ჩამრთველი. ძველი ტიპის მექანიკური, კონტაქტორული დეტალები სრულად შეიცვალა თანამედროვე სტანდარტების მიკროპროცესორული სქემებით აღჭურვილი კვანძებით.

 

მათივე ინფორმაციით, 2017 წელს თბილისის მეტროპოლიტენის მგზავრებს, 8 განსხვავებული ფორმისა და დიზაინის, სრულიად განახლებული და მოდერნიზებული ვაგონი მოემსახურება, საიდანაც 4 უკვე მზად არის და  სატრანსპორტო კომპანიას ექსპლუატაციაში გადაეცა. კიდევ 4 ვაგონი ოქტომბრის დასაწყისში იქნება მზად.

 

აღსანიშნავია, რომ თბილისის სატრანსპორტო კომპანიამ, ზემოთ აღნიშნული 8 ვაგონის გარდა, კაპიტალური რემონტი 16 ვაგონს ჩაუტარა, წლის ბოლომდე დამატებით კიდევ 12 ვაგონის განახლება იგეგმება.

 

 



„აგარის შაქარი“ იმპორტირებულთან შედარებით კონკურენტუნარიანი იქნება

„აგარის შაქარი“  იმპორტირებულთან შედარებით კონკურენტუნარიანი იქნება
person access_time2018-04-25 16:20:44
„აგარის შაქრის“ მიერ წარმოებული პროდუქცია კონკურენტუნარიანი იქნება“- ამის შესახებ „კომერსანტთან“ საუბარში საქართველოს ბიზნესომბუდსმენმა ირაკლი ლექვინაძემ განაცხადა.მისი ინფორმაციით, როგორც კომპანიის, ისე მთავრობის მხრიდან არის საკმაოდ ბევრი საკითხი, რომლის დარეგულირებაც  ერთობლიობაში  წარმოებულ პროდუქციას კონკურენტუნარიანს გახდის.    როგორც ცნობილია, შემუშავდა მხარდაჭერის პაკეტი, რომლის  დახმ ...

„საქართველო „მას-ტურიზმისგან“ არ უნდა დაზარალდეს“ - როგორ უნდა მოიზიდოს ქვეყანამ მაღალბიუჯეტიანი ტურისტები

„საქართველო „მას-ტურიზმისგან“ არ უნდა დაზარალდეს“ - როგორ უნდა მოიზიდოს ქვეყანამ მაღალბიუჯეტიანი ტურისტები
person access_time2018-04-25 15:37:40
საქართველოში ტურისტების რაოდენობა იზრდება, თუმცა მათი უმეტესობა დაბალბიუჯეტიანია. როგორც „ბიზნესპრესნიუსთან“ საუბრისას შემომყვან ტურ-ოპერატორთა ასოციაციის თავმჯდომარემ ია თაბაგარმა განაცხადა, დაბალბიუჯეტიანი ტურისტები ძირითადად აზერბაიჯანიდან, სომხეთიდან, რუსეთიდან, ინდოეთიდან და არაბული ქვეყნებიდან ჩამოდიან.მისი თქმით, დაბალბიუჯეტიანი ტურისტები მაღალბიუჯეტიანებს კვლავ სჭარბობენ, როგორც თითქმის ყველა სხვა ქვეყანაში. „დაბალბიუჯეტიანი ტურისტები კვლავ...

„კომერსანტის“ ექსკლუზივი - დაზღვევის ზედამხედველობის სამსახურის უფროსი კონსტანტინე სულამანიძე თანამდებობას ტოვებს

„კომერსანტის“ ექსკლუზივი - დაზღვევის ზედამხედველობის სამსახურის უფროსი კონსტანტინე სულამანიძე თანამდებობას ტოვებს
person access_time2018-04-25 13:13:15
დაზღვევის ზედამხედველობის სამსახურის უფროსი კონსტანტინე სულამანიძე თანამდებობას ტოვებს. აღნიშნული ინფორმაცია „კომერსანტს“  ექსკლუზიურად თავად სულამანიძემ დაუდასტურა და განუცხადა, რომ  წასვლაზე განცხადება უკვე დაწერა, დაკავებულ თანამდებობას  კი ოფიციალურად  1 მაისიდან დატოვებს.   კითხვაზე, რა მიზეზით დატოვა  მან  დაზღვევის ზედამხედველობის სამსახურის უფროსის თანამდებობა და სად გააგრძელებს საქმიანობას, სულამანიძე აღნიშნავს, რომ...

Bloomberg-ზე 14:00 საათისთვის 1 დოლარი 2,4825 ლარად ივაჭრება

Bloomberg-ზე 14:00 საათისთვის 1 დოლარი 2,4825 ლარად ივაჭრება
person access_time2018-04-25 14:15:00
ეროვნული ვალუტა ბოლო რამდენიმე  დღის განმავლობაში უფასურდება. Bloomberg-ის ელექტრონულ სავაჭრო სისტემაში 1 აშშ დოლარი 14:00 საათისთვის 2,4825 ლარად ივაჭრება. საქართველოს ეროვნული ბანკი ლარის ოფიციალურ გაცვლით კურსს აშშ-ის და ევროს მიმართ 17:00 საათისთვის გამოაქვეყნებს. 24 აპრილს განსაზღვრული კურსით, ერთი დოლარის ღირებულებამ 2.4791 ლარი შეადგინა. არასაბანკო ფინანსურ დაწესებულებათა...

Top-მენეჯერებისგან განსხვავებით, საბანკო სექტორში დასაქმებულთა 99%-ს დაბალი ხელფასი აქვს

Top-მენეჯერებისგან განსხვავებით, საბანკო სექტორში დასაქმებულთა 99%-ს დაბალი ხელფასი აქვს
person access_time2018-04-25 11:35:00
  „ჩემი დამოკიდებულება ბანკებთან დაკავშირებით მიმდინარე დისკუსიის შესახებ: ქვეყნის საფინანასო ბაზრზე ჩამოყალიბდა მონოპოლიური მდგომარეობა (ძირითადად, ბოლო 5 წელიწადში) და შეიზღუდა კონკურენცია. წარმოიქმნა ოთხბანკიანობის პერიოდი. ხელისუფლების ან ხელისუფლებასთან ჩახუტებული 4 ბანკი არის ქართუ, ლიბერთი, ტბს, საქართველოს ბანკი. ეს მთელი საბანკო სისტემის 85 პროცენტზე მეტია. დანარჩენი ბანკები ვერ უწევენ მათ კონკურენციას. ვტბ საერთაშორისო სანქციებშია მოქცეული, როგორც რუსული...


მსგავსი სიახლეები