„საქართველოში საგზაო უსაფრთხოებაზე პასუხისმგებელი უწყება არ არსებობს“ – რატომ არ არის გზებზე გადაადგილება უსაფრთხო

access_time2017-08-25 09:30:27

„ვიდრე ქვეყანაში ტრანსპორტის პოლიტიკაზე პასუხისმგებელი უწყება არ შეიქმნება, ავარიების რაოდენობა არ შემცირდება და მისი გამომწვევი ზუსტი მიზეზებიც არ გვეცოდინება“, - ამის შესახებ „კომერსანტს“ საქართველოს ტრანსპორტისა და გზების ასოციაციის ხელმძღვანელმა დავით მესხიშვილმა საქართველოს გზებზე გახშირებული ავარიების კომენტირებისას განუცხადა.

 

საქართველოს გზებზე ავარიების მაჩვენებელი ისევ მზარდია. ბოლო 3 დღის განმავლობაში რამდენიმე ავარია მოხდა, მათ შორის, ერთ–ერთი 5 ადამიანის გარდაცვალებით დასრულდა.

 

2017 წლის 22 აგვისტო  –  ავტობანზე ერთმანეთს სატვირთო და პატიმრების გადასაყვანი მანქანები დაეჯახნენ.  დაშავდა მიკროავტობუსის მძღოლი.

 

2017 წლის 23 აგვისტო –  შეკვეთილში  ორი მიკროავტობუსი ერთმანეთს შეეჯახა, დაშავდა 28 ადამიანი.

 

2017 წლის 24 აგვისტო – ლანჩხუთის რაიონის სოფელ ჩიბათში მომხდარ ავტოსაგზაო შემთხვევას 5 ადამიანის სიცოცხლე ემსხვერპლა, მათ შორის ერთი მცირეწლოვანი ბავშვია. თვითმხილველების თქმით,  ტრაილერს მისაბმელი მოწყდა, რომელიც მსუბუქ ავტომობილს დაეცა.

 

ის რომ, საქართველოს გზებზე გადაადგილება პრობლემა წარმოადგენს და რომ ავარიების შემთხვევების აღმოფხვრას სისტემური ცვლილება სჭირდება, „კომერსანტი“ უკვე წლებია წერს. თუმცა პრობლემის გამოსწორება მხოლოდ ცალკეულ შემთხვევაში ხდება და გზებზე უსაფრთხოდ გადაადგილება ისევ საფრთხის შემცველია. მაგალითად, ქუთაისის შემოვლით გზის გაცალმხრივების შემდეგ, იქ ავარიები აღარ ხდება, არადა, ბოლო 2 წლის განმავლობაში გზის ეს მონაკვეთი ფაქტობრივად, სასაკლაოდ იყო ქცეული.

 

დავით მესხიშვილი აცხადებს, რომ ქუთაისის შემოვლით გზაზე ცალმხრივად მოძრაობა და მაგისტრალებზე საგზაო ნიშნების დაყენება შედეგს არ მოიტანს, თუ ქვეყანაში არ შეიქმნა სატრანსპორტო პოლიტიკაზე პასუხისმგებელი უწყება.

 

„ხელისუფლებას ჩვენ, ასევე საერთაშორისო ექსპერტები, მათ შორის მსოფლიო ბანკის ექსპერტები აკრიტიკებენ იმის გამო, რომ საქართველოში არ არსებობს არც ერთი სახელმწიფო უწყება, რომელიც საგზაო უსაფრთხოებაზე არის პასუხისმგებელი. არცერთ სახელმწიფო სტრუქტურაში არ არის შექმნილი ქვეუწყება, რომელიც პასუხისმგებელი იქნება ავტოსაგზაო შემთხვევების მატებაზე, ანუ მთლიანად საგზაო უსაფრთხოების მიმართულებაზე. ჩვენ ხშირად პასუხისმგებელი საპატრულო პოლიცია გვგონია, კარგსაც და ცუდსაც საპატრულო პოლიციას ვაბრალებთ, მაგრამ საპატრულო პოლიცია რეალურად არის მომხდარზე რეაგირების მომხდენი. ის რომ, ავტოსაგზაო შემთხვევები არ მოხდეს, უნდა გაიწეროს პოლიტიკა, სადაც იქნება აღნიშნული, თუ როგორ უნდა შევამციროთ ავარიების რაოდენობა. ასეთი უწყება საქართველოში არ არსებობს, რაც  არის ყველა პრობლემის სათავე“, – განუცხადა „კომერსანტს“ დავით მესხიშვილმა.

 

მისივე თქმით, „დღეს სატრანსპორტო ფუნქციები  გაბნეულია ინფრასტრუქტურის სამინისტროში, ეკონომიკის სამინისტროში, შინაგან საქმეთა სამინისტროში, ნაწილობრივ გარემოს დაცვის სამინისტროში და მუნიციპალიტეტები, ანუ  ეს ფუნქციები იმდენად გაფანტულია, რომ ერთმანეთში კოორდინირება არ ხდება.

 

ამ დროს კი ჩვენ ვამბობთ, რომ საქართველო უნდა გახდეს სატრანსპორტო ჰაბი. ეს ვერ გაკეთდება, თუ არ იქნება ქვეყანაში ტრანსპორტის პოლიტიკის განმსაზღვრელი უწყება. ამიტომ ჩვენ ვაპირებთ, რომ სექტემბრიდან ეს საკითხი ძალიან აქტიურად დავსვათ. თუ ჩვენ გვსურს ამ პრობლემების გადაჭრა, საჭიროა, ეს უწყება. ჩვენ მივმართავთ საქართველოს მთავრობას, დაუყონებლივ მიიღოს გადაწყვეტილება და შექმნას ტრანსპორტის პოლიტიკაზე პასუხისმგებელი უწყება.

 

დღეს კანონდობლობაში წერია, რომ ეკონომიკის სამინისტროა პასუხისმგებელი ტრანსპორტის პოლიტიკაზე, მაგრამ ვინ, არ ვიცით. ვერ გავიგეთ, პასუხისმგებლობა განისაზღვრება მხოლოდ კანონის დაწერასა და გამოქვეყნებაში? მენეჯმენტს არავინ არ ახორციელებს. უნდა შეიქმნას ახალი სამინისტრო. მაგრამ თუ ეს არ მოხდა, ფუნქციურად ყველაზე ახლოს ამასთან არის ინფრასტრუქტურის სამინისტრო. ქვეყნების უმრავლესობაში არსებობს ინფრასტრუქტურისა და ტრანსპორტის სამინისტრო, ასე გავაკეთოთ ჩვენც და გვეცოდინება, თუ ვინ იქნება საგზაო უსაფრთხოებაზე პასუხისმგებელი“, – განაცხადა დავით მესხიშვილმა.

 

 

კომერსანტი

 



1 დოლარი 2,7137 ლარი - ეროვნული ვალუტა გაუფასურებას განაგრძობს

person access_time2017-11-22 17:00:05
ეროვნული ვალუტა ისევ გაუფასურდა. ეროვნული ბანკის მიერ დადგენილი კურსით, ხვალ ერთი დოლარი 2,7137 ლარი ეღირება, ერთი ევრო კი 3,1897 ლარი. 21 ნოემბერს დადგენილი კურსით, დღეს ერთი დოლარი 2,7060 ღირდა, ერთი ევრო კი 3,1766 ლარი.

ახალი „TOYOTA LAND CRUISER PRADO“ უკვე საქართველოშია ახალი სიმაღლეების დასაპყრობად

person access_time2017-11-22 15:30:34
მაღალი გამავლობის ავტომობილი „Toyota Land Cruiser Prado“ განახლდა და კიდევ უფრო გაუმჯობესდა. ყველა დროის ერთ-ერთი ყველაზე წარმატებული ყველგანმავალი ვიზუალურად კიდევ უფრო დაიხვეწა, ტექნიკური თვალსაზრისით კი, განვითარების სრულიად ახალ საფეხურზე ავიდა. სწორედ განახლებული ავტომანქანის მოდელი წარადგინა კომპანია „ტოიოტა კავვკასიამ“ ცოტა ხნის წინ შატო მუხრანის ტერიტორიაზე. აღსანიშნავია, რომ „Toyota Land Cruiser Prado“ თავის სეგმენტში ყველა დროის ერთ-ერთი უნიკალური მოდელია....

„საქართველოს ფინანსური სისტემა თავიდან ბოლომდე მორგებულია კომერციულ ბანკებზე“

person access_time2017-11-22 14:30:49
ერთდღიანი გამყარების შემდეგ ეროვნული ვალუტა ისევ გაუფასურდა. საქართველოს ეროვნული ბანკის მიერ დადგენილი კურსით, დღეს ერთი დოლარი 2 ლარი და 70 თეთრი ღირს, ერთი ევროს ფასი  კი 3 ლარი და 17 თეთრია. ფინანსიტი დავით კიკვიძე რადიო „კომერსანტის“ გადაცემაში „კომერსანტის თემა სალომე სოსელიასთან ერთად“ აცხადებს, რომ მიმდინარე ეტაპზე ლარის კურსის გაუფასურების მიზეზი დიდი რაოდენობით ლარის მასაა.   „ჩემი აზრით, ამ პრობლემას იწვევს ბრუნვაში ლარის ძალიან დიდი მოცულობა. მიუხედავად...

ავტობანის რიკოთის მონაკვეთზე 3 გვირაბი და 11 ხიდი აშენდება

person access_time2017-11-22 12:00:02
ავტობანის რიკოთის მონაკვეთზე 3 გვირაბი და 11 ხიდი აშენდება. გაზაფხულზე წარდგენილ პროექტში ცვლილება შევიდა, რამაც კიდევ 1 გვირაბის გაყვანის აუცილებლობა წარმოქმნა. ჩუმათელეთსა და ხევს შორის მთავარი გვირაბი 1750 მეტრი იქნება და ის არსებული გვირაბის პარალელურად გაივლის, რაც შეეხება კიდევ 2 გვირაბს ერთი რიკოთამდე აშენდება, მეორე კი, დიდი გვირაბის შემდეგ. მათი სიგრძე 350 მ და 470 მ იქნება. გარდა გვირაბებისა, ავტობანის ყველაზე რთულ...

კონტრტერორისტული სპეცოპერაცია თბილისში (განახლებადი)

person access_time2017-11-22 16:00:14
17:01 - სპეცრაზმელი, რომელიც რამდენიმე საათის წინ ინგოროყვას კლინიკაში გადაიყვანეს, გარდაიცვალა. ამის შესახებ ინგოროყვას კლინიკის ექიმმა რამდენიმე წუთის წინ განაცხადა.   „დაჭრილ სპეცრაზმელს სიცოცხლესთან შეუთავსებელი ჩვენებები ჰქონდა", - აღნიშნა ექიმმა.   17:00 სპეცოპერაციის ადგილიდან, სავარაუდოდ კიდევ სამი დაჭრილი გაიყვანეს.   „პირველი არხის“ ინფორმაციით, სპეცოპერაციის ზონიდან...


მსგავსი სიახლეები