Wall Street Journal: პეკინი იუანისთვის პოზიციების გამყარებაზე ისევ აქტიურად მუშაობს

access_time2017-08-09 09:30:06

საკუთარი ვალუტის სტაბილიზაციას ჩინეთი აღწევს იუანის გლობალური როლის ხარჯზე. ამ აზრისაა გაზეთი  Wall Street Journal,  რომლის თანახმად, ახალმა სავალუტო  პოლიტიკამ დროებით მაინც, საგონებელში ჩააგდო ვალუტით მოთამაშეები, რომლებიც იუანის გაცვლითი კურსის დაშვებაზე დებდნენ ფსონს. პეკინი კვლავ ცდილობს გაუმაგროს პოზიციები საკუთარ ვალუტას დოლართან კონკურენციის მცდელობაში.

 

როგორც ცნობილია, 2015-2016 წლებში, კაპიტალის საზღვარგარეთ მასიურად გადინების შედეგად, ჩინეთის სავალუტო რეზერვები ერთი მეოთხედით შემცირდა. გასულ ივლისში,  რეზერვები 24 მილიარდი დოლარით გაიზარდა. ეს უკვე რიგით მეექვსე მატებაა სავალუტო რეზერვისა. ნაწილობრივ ეს აიხსნება დოლარის ამჟამიდელი სისუსტით, რაც ავტომატურად ზრდის ჩინეთში უცხო ვალუტის მარაგებს დოლარებში გამოსახულს. მაგრამ კაპიტალის საზღვარგარეთ გადინებამაც იკლო. მიმდინარე წელს, იუანის გაცვლითმა კურსმა 3 პროცენტით იმატა.

 

გარკვეული როლი ითამაშა განახლებული ტემპით ეკონომიკურმა აღმავლობამ. თუმცა, მთავარი ფუნქცია შეასრულა გამკაცრებულმა კონტროლმა კაპიტალის საზღვარგარეთ მოძრაობაზე. ესაა შედეგი პოლიტიკისა რომელიც 2016 წელს შემოიღეს. თუმცა, ყველაფერს აქვს თავისი საფასური. 2015 წლამდე, ჩინური იუანი მსოფლიო რეიტინგში მეოთხე ადგილზე იდგა საერთაშორისო ანგარიშსწორების მხრივ. დღეს მან მეექვსე ადგილზე გადაინაცვლა იაპონური იენისა და კანადური დოლარის შემდეგ. იმავე რეიტინგში, ჩინურ ვალუტას უკვე შვეიცარული ფრანკი ეწევა - ნათქვამია გაზეთ Wall Street Journal–ის  სტატიაში.

 

ასევე გაზეთ Wall Street Journal –ისცნობით, ჩინეთმა მოუწოდა შეერთებული შტატების პრეზიდენტს დონალდ ტრამპს, თავი შეიკავოს ვაჭრობის პირობების გამკაცრებისგან. ჩინეთს უფრო მიზანშეწონილი მიაჩნია ორმხრივი თანამშრომლობის გაგრძელება. პეკინის თანახმად, ვაჭრობაში ნებისმიერი დაპირისპირება საზიანო იქნება ორივე მხრისთვის.


 

ჩინეთის ხელმძღვანელობა ყველანაირად ცდილობს თავი აარიდოს შეერთებულ შტატებთან ვაჭრობაში რაიმე კონფლიქტს. მიუხედავად ამისა, პეკინი სრულ მზადყოფნაშია სამიზნეში ამოიღოს ამერიკის ბიზნესი, თუკი ვაშინგტონმა სანქციები დააწესა. ამის შესახებ ამბობენ ჩინეთის მთავრობის მრჩევლები და ასევე ინდუსტრიის ექსპერტები.

 

გასულ ხუთშაბათს, ჩინეთის ვაჭრობის სამინისტრომ განაცხადა, რომ მსოფლიო ვაჭრობის ორგანიზაციის ყველა წევრმა უნდა დაიცვას არსებული წესდებები. გარდა ამისა, ამერიკისა და ჩინეთის ეკონომიკა ერთმანეთზეა გადაჯაჭვული. "ჩვენ ორივენი მხოლოდ ვიგებთ თანამშრომლობის გზით. მეორეს მხრივ, ჩვენს შორის დაპირისპირება ორივესთვის საზიანო იქნება" - განაცხადა ხსენებული სამინისტროს წარმომადგენელმა.  

 

როგორც ცნობილია, ტრამპის ადმინისტრაცია აპირებს შეერთებული შტატების ვაჭრობის კანონმდებლობაში სანქციების გამათვალისწინებელი ერთერთი პუნქტის ძალაში შეყვანას ჩინეთის მიმართ, რომელიც, როგორც ეს მიაჩნია თეთრი სახლის ადმინისტრაციას,  ვაჭრობაში არასამართლიან მეთოდებს მიმართავს. ასეთ შემთხვევაში, ცხადი ხდება რომ შეერთებული შტატები და ჩინეთი ერთმანეთთან კომერციულ ურთიერთობაში უკვე ნაკლებად ეყრდნობიან მსოფლიო ვაჭრობის ორგანიზაციის, როგორც ასეთის- არბიტრის როლს. არაა გამორიცხული რომ ვაშიგტონსა და პეკინს შორის გაიზარდოს უთანხმოება ჩრდილოეთ კორეისა და ასევე სამხრეთ ჩინეთის ზღვის საკითხებშიც - ნათქვამია გაზეთ "უოლ-სტრიტ ჯორნელის" სტატიაში.

 

 

 ავტორი: საერთაშორისო მიმომხილველი გიორგი ჩხუბიანიშვილი



869,7 მილიონი ლარი ერთ წელიწადში - კომერციული ბანკების წმინდა მოგება რეკოდრულად გაიზარდა

person access_time2018-01-19 12:00:45
დეკემბერში კომერციული ბანკების წმინდა მოგება 152 563 000 ლარით გაიზარდა. შესაბამისად, 2017 წლის იანვარ-დეკემბერში ბანკების წმინდა მოგებამ 869 798 000 ლარი შეადგინა, რაც 28%-ით, 190,6 მილიონი ლარით მეტია წინა წლის ანალოგიურ პერიოდთან შედარებით. 2016 წლის იანვარ-დეკემბერში კომერციულმა ბანკებმა 679 101 000 ლარის წმინდა მოგება მიიღეს.     რაც შეეხება მოგების გადასახადს, საქართველოს ეროვნული ბანკის სტატისტიკის მიხედვით, კომერციული ბანკებმა დეკემბერში ბიუჯეტში...

„კომერსანტის“ შეკითხვა საქართველოს პარლამენტის წევრებს!

person access_time2018-01-18 19:00:52
მედიაჰოლდინგი „კომერსანტი“ საკანონმდებლო ორგანოს წარმომადგენლებს შეკითხვით მიმართავს. ხელისუფლებაში მეორე ვადით მოსული მმართველი პარტიის მთავარი ლოზუნგი „კეთილდღეობა და სწრაფი განვითარებაა“. ამ ფონზე კი გადახდისუუნარო მოსახლეობის რიცხვი წლიდან წლამდე მატულობს. საქართველოს მოსახლეობის 6,3% გადახდისუუნაროა. აღსრულების ეროვნული ბიუროს მონაცემებით, ბაზაში ჩანაწერების რაოდენობამ უკვე 234 ათასს გადააჭარბა, რაც თითქმის 4,7...

„ვაქცინები, რომლებიც დღეს არის საქართველოში არის მაღალხარისხიანი“ - დავით სერგეენკო ვაქცინაციაზე დამატებით განმარტებებს აკეთებს

person access_time2018-01-18 18:30:48
ჯანდაცვის მინისტრი დავით სერგეენკო ვაქცინაციასთან დაკავშირებით დამატებით განმარტებებს აკეთებს. როგორც მინისტრმა სპეციალურ პრესკონფერენციაზე განაცხადა, გავრცელებული ინფორმაცია, რომ იმუნიზაციის პროგრამით, სავარაუდოდ, ჯანმრთელობისთვის საფრთხისშემცველი 29 ათასი ვაქცინა გაიხარჯა, სიმართლეს არ შეესაბამება. „გავრცელებული ინფორმაცია არ შეესაბამება სიმართლეს. სიმართლეს არ შეესაბამება არცერთი პუნქტი. პირველი, რომ ეს პრობლემა ვრცელდებოდა მთლიანად იმუნიზაციის...

ფინელი მეცნიერები ლუდომანიის სამკურნალო სპრეის შექმნაზე მუშაობენ

person access_time2018-01-19 13:00:22
ფინეთის ჯანმრთელობის და კეთილდღეობის ინსტიტუტის მეცნიერები მუშაობენ წამალზე, რომელიც ლუდომანებს, ანუ აზარტულ თამაშებზე დამოკიდებულ ადამიანებს მავნე ჩვევისგან განკურნავს. ეს იქნება ცხვირის სპრეი, რომლის აპრობირება 30-მა მოხალისემ უკვე გაიარა.   ეს არ არის ფინელი მეცნიერების პირველი მცდელობა - ადრე ისინი ცდილობდნენ ლუდომანიის მკურნალობას აბებით, თუმცა ამ იდეამ წამლის ნელი მოქმედების გამო არ გაამართლა.   „მოთამაშეები ძალიან აზარტულები არიან. სურვილი...

მსესხებლის გარდაცვალების შემთხვევაში შესაძლოა, მისი სამართალმემკვიდრე მოიძებნოს

person access_time2018-01-18 17:24:15
იმ შემთხვევაში, თუ სესხის ამღები პირი გარდაიცვალა, სესხის ამომღებ კომპანიას ამ სესხის მოთხოვნის უფლება აქვს, – განაცხადა პრობლემური აქტივების ბიუროს დირექტორმა, ლაშა ნოზაძემ პირველი არხის გადაცემაში „აქტუალური თემა მაკა ცინცაძესთან ერთად“. „ასეთ შემთხვევაში შესაძლოა, გარდაცვლილი პირის სამართალმემკვიდრე მოიძებნოს, რაც სამართალდარღვევა არ არის“, – განაცხადა ლაშა ნოზაძემ. მისივე თქმით, თუ ონლაინსესხების კომპანია კონკრეტული მომხმარებლის წინააღმდეგ...


მსგავსი სიახლეები