მოსკოვის დროით 10:26 საათიდან ვნუკოვოს აეროპორტმა მუშაობა დროებით შეაჩერა. ამის შესახებ რუსული მედია იუწყება.
„აეროპორტის კონტროლის მიღმა მიზეზების გამო, ვნუკოვომ შემოიღო დროებითი შეზღუდვები თვითმფრინავების მიღებასა და გაშვებაზე“, - აცხადებენ პრესსამსახურში.
აეროპორტის პრესსამსახურის ინფორმაციით, ფრენების ნაწილი მოსკოვის საავიაციო ჰაბის სხვა აეროპორტებში გადამისამართდა.
მოსკოვის დროით 11:55 საათიდან ფრენების შეზღუდვა მოიხსნა.
გავრცელებული ინფორმაციით, მოსკოვთან ახლოს სამხედრო ავიაციის ძალებმა დრონი გაანადგურეს.
