„ვაგნერის“ დაქირავებული 100 მებრძოლი სუვალკის დერეფნისკენ გადაადგილდება, ამის შესახებ განცხადება პოლონეთის პრემიერ-მინისტრმა მათეუშ მორავიეცკიმ გააკეთა.
„ახლა ვითარება კიდევ უფრო სახიფათო ხდება. ჩვენ გვაქვს ინფორმაცია, რომ ვაგნერის ჯგუფის 100-ზე მეტი დაქირავებული მებრძოლი დაიძრა სუვალკის დერეფნისკენ, გროდნოს მახლობლად, ბელარუსში“, – თქვა მორავიეცკიმ.
პოლონეთის პრემიერ-მინისტრის განცხადებით, ეს არის ნაბიჯი პოლონეთის ტერიტორიაზე ჰიბრიდული თავდასხმისკენ.
„ისინი, სავარაუდოდ, ბელორუს მესაზღვრეებად იქნებიან გადაცმული და დაეხმარებიან არალეგალ მიგრანტებს პოლონეთის ტერიტორიაზე შესვლაში, პოლონეთის დესტაბილიზაციაში, მაგრამ ისინი ასევე შეეცდებიან პოლონეთის ტერიტორიაზე შესვლას არალეგალი მიგრანტების სახით და ეს დამატებით რისკებს ქმნის“, – აცხადებს პოლონეთის პრემიერი.
