უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები.
ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება.
აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა.
„წარმატებული სამაშველო ოპერაცია განხორციელდა სუდანის დედაქალაქ ხარტუმიდან მშვიდობიანი მოქალაქეების ევაკუაციისთვის“, - ნათქვამია განცხადებაში.
შეიარაღებული კონფლიქტის ზონიდან ევაკუირებული იქნა უკრაინის 87 მოქალაქე, ძირითადად ავიაციის სპეციალისტები - პილოტები, ტექნიკოსები და მათი ოჯახის წევრები. ასევე ევაკუირებული იქნა საქართველოსა და პერუს მოქალაქეები.
სულ გადაარჩინეს 138 მოქალაქე, მათ შორის 35 ქალი და 12 ბავშვი, - ნათქვამია განცხადებაში.
უწყების ინფორმაციით, ამჟამად ყველა ევაკუირებული ეგვიპტეში უსაფრთხო ადგილზე იმყოფება.
მათ უზრუნველყოფენ საჭირო სამედიცინო დახმარებით, საკვებითა და წყლით, უკრაინის მოქალაქეებს უტარდებათ სავიზო და დოკუმენტური მხარდაჭერა და მალე სამშობლოში დაბრუნებას ელიან, - ნათქვამია განცხადებაში.
უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
1682412600
„ამ ტიპის ანგარიშებს არანაირი აზრი არ აქვს“ - კალაძე ევროკავშირის ბიზნესკლიმატის კვლევაზე
ჩვენ, 64-ვე მუნიციპალიტეტში მოვიგებთ, როგორც მერის, ასევე საკრებულოს არჩევნებს, დიდი უპირატესობით – ირაკლი კობახიძე
„ჩვენ ყველანაირი მოვლენების განვითარებისთვის უნდა ვიყოთ მზად, ისეთი რთული პროცესები გამოვიარეთ გასული სამი წლის განმავლობაში, რომ ვფიქრობ, ამის იქით ვერავინ მოგვერევა“ – ირაკლი კობახიძე
მშვიდობის დამყარება ჩვენს რეგიონში და „დიფ სთეითის“ დასუსტება პირდაპირ არის დაკავშირებული ერთმანეთთან – ირაკლი კობახიძე
სიმართლე გითხრათ, [მთავრობასთან] შეხვედრის აზრს ვერ ვხედავ. შეხვედრას უნდა ჰქონდეს მიზანი, რომ შეიძლება შევჯერდეთ რაღაცაზე და განვახორციელოთ - ზურაბ ლალაზაშვილი (BMG)
