საფრანგეთის ქალაქ რეიმსში დასრულდა ევროპაში ყველაზე დიდი საცხოვრებელი კორპუსის მშენებლობა, რომელიც 3D ბეჭდვის ტექნოლოგიის გამოყენებით შეიქმნა.
Antena3-ის ცნობით, ეს ინოვაციური ნაგებობა საფრანგეთში პირველი სოციალური საცხოვრებლის პროექტია, რომელიც პირდაპირ ადგილზე დაიბეჭდა.
პროექტი, სახელწოდებით ViliaSprint2, ბეზანის რაიონში სოციალური საცხოვრებლის კომპანია Plurial Novilia-მ ააშენა.
სამსართულიანი შენობა 12 ბინას მოიცავს და დაახლოებით 800 კვადრატულ მეტრს იკავებს.
პროექტის უნიკალურობა მის სამშენებლო ტექნოლოგიაშია. კონსტრუქციის შესაქმნელად გამოყენებული იქნა სპეციალიზებული 3D პრინტერი და Holcim-ის მიერ შემუშავებული ახალი თაობის ბეტონი. მასალა შეიცავს სინთეზურ მიკროფიბრებს, რომლებიც ნაწილობრივ ცვლის ტრადიციულ არმატურას.
