ზედიზედ მესამე წელია, რუსეთის მთავრობა ეროვნული კეთილდღეობის ფონდიდან მიღებულ ოქროს იყენებს ფედერალური ბიუჯეტის, საბანკო სექტორის, მსხვილი სახელმწიფო პროექტებისა და უკრაინის წინააღმდეგ ომის საგანგებო დაფინანსების წყაროდ.
ინფორმაცია რუსეთის ფინანსთა სამინისტროს ოფიციალური მონაცემებიდან ხდება ცნობილი, რომელსაც რუსული მედია აქვეყნებს.
2022-დან 2025 წლამდე ეროვნული კეთილდღეობის ფონდის ოქროს მარაგი 71%-ით შემცირდა. მიუხედავად იმისა, რომ 2022 წლის მაისში ფონდს რუსეთის ფედერაციის ცენტრალურ ბანკში ანგარიშებზე თითქმის 555 ტონა ოქრო ჰქონდა, მიმდინარე წლის იანვრის დასაწყისში ეს მაჩვენებელი 160.2 ტონამდე შემცირდა.
