რუსეთის აღმასრულებელი ფედერალური სამსახური (FSSP) ბიტკოინების კონფისკაციისთვის მექანიზმს ავითარებს. როგორც ABC.AZ იუწყება, ამის შესახებ დეპარტამენტის უფროსმა დიმიტრი არისტოვმა განაცხადა.
მან ხაზგასმით აღნიშნა, რომ კრიპტოვალუტების ჩამორთმევის მეთოდოლოგია მუშავდება სისხლის სამართლის საქმეზე დაყრდნობით.
2023 წლის ივლისში მოსკოვის ნიკულინსკის რაიონულმა სასამართლომ ყოფილ გამომძიებელს მარატ ტამბიევს სახელმწიფოს სასარგებლოდ ჩამოართვა 1032.1 BTC. 2024 წლის ოქტომბერში მას 16 წლით თავისუფლების აღკვეთა მიესაჯა 2718 BTC-ზე მეტის (7,3 მილიარდი რუბლი) და 1,5 მილიონი დოლარის ქრთამის მიღებისთვის.
არისტოვმა თქვა, რომ საკითხი, თუ როგორ უნდა მოხდეს კრიპტოვალუტის კონფისკაცია, ჯერ არ არის გადაწყვეტილი. მისი თქმით, უპირველესი ამოცანაა შეიქმნას საკანონმდებლო ბაზა, რომელიც დაარეგულირებს „შესაბამისი“ ბიტკოინების მიმოქცევას რუსეთში.
