ამერიკელმა მილიარდერმა ბიზნესმენმა ილონ მასკმა ევროკავშირის გაუქმება მოითხოვა მას შემდეგ, რაც ევროკომისიამ მისი სოციალური მედიის პლატფორმა X 120 მილიონი ევროთი დააჯარიმა ევროკავშირის ციფრული სერვისების აქტის (DSA) დარღვევისთვის.

გამოძიებამ დაადგინა, რომ X-მა მისი სარეკლამო ბიბლიოთეკის გამჭვირვალობა არ უზრუნველყო, შეცდომაში შემყვანი "ლურჯი მონიშვნის“ სისტემა შექმნა და მკვლევრებს საჯარო მონაცემებზე წვდომა არ მისცა.