მადრიდის ქუჩებში ნაკლები ქუჩის მუსიკოსი იქნება. ქალაქის საკრებულო 2025 წლისთვის მთლიანად აკრძალავს სპექტაკლებს მთავარ ქუჩაზე – გრან ვიაზე და რამდენიმე მიმდებარე ქუჩაზე. ამის შესახებ „ევროპულსი“ წერს.
ეს გადაწყვეტილება იმისთვის მიიღეს, რომ გამვლელებისთვის ხელი არ შეეშალათ, იქ სადაც ისედაც რთულია გადაადგილება ადგილობრივი მოსახლეობის და ტურისტების დიდი ნაკადის გამო – გრან ვია ცნობილია ბევრი თეატრით და სხვა საზოგადოებაში პოპულარული ადგილებით.
გარდა ამისა, მომავალი წლიდან მადრიდის ქუჩებში სიმღერას, საქსოფონს, გიტარას და სხვა ინსტრუმენტებს წელიწადში მხოლოდ 250-ჯერ მოისმენენ და არა 500-ჯერ, როგორც ადრე.
ქუჩის წარმოდგენის გამართვის ნებართვა გახდება პერსონალური (ანუ სხვა მუსიკოსზე გადაცემა შეუძლებელია) და მუნიციპალური პოლიცია შეამოწმებს მას არტისტებთან.
საათები, როდესაც მუსიკოსებს დაკვრის უფლება აქვთ, იგივე რჩება: 12:00 საათიდან 14:00 საათამდე და 18:00 საათიდან 21:00 საათამდე. თუმცა, ზოგიერთი ლოკაცია შესთავაზებს სპექტაკლებს ყოველდღე, ზოგი კი ხელმისაწვდომი იქნება მხოლოდ პარასკევიდან კვირამდე.
