Deutsche Lufthansa AG-მ 2023 წლის მესამე კვარტალში წმინდა მოგება თითქმის 1,5-ჯერ და შემოსავალი 8%-ით გაზარდა. წმინდა მოგება ბაზრის მოლოდინს აღემატებოდა, მაგრამ შემოსავალი პროგნოზს ჩამორჩა.
როგორც გადამზიდავის პრესრელიზშია აღნიშნული, წმინდა მოგებამ ივლის-სექტემბერში 1,19 მილიარდი ევრო შეადგინა, წინა წლის ანალოგიური პერიოდის 809 მილიონ ევროსთან შედარებით. დაზუსტებულმა მოგებამ პროცენტებსა და გადასახადებამდე (EBIT) 1,47 მილიარდი ევრო შეადგინა.
კვარტალური შემოსავალი 9,54 მილიარდი ევროდან 10,28 მილიარდ ევრომდე გაიზარდა. კომპანიის ანალიტიკოსების პროგნოზი იყო წმინდა შემოსავალი 1,04 მილიარდი ევრო, კორექტირებული EBIT 1,43 მილიარდი ევრო და შემოსავალი 10,84 მილიარდი ევრო.
გასულ კვარტალში Lufthansa-ს მომსახურებით 38 მილიონზე მეტმა მგზავრმა ისარგებლა, წინა წლის მესამე კვარტალში ეს მაჩვენებელი დაახლოებით 33 მილიონი ადამიანი იყო.
მთლიანობაში, 2023 წლის ბოლომდე გადამზიდავი შემოსავლის „მნიშვნელოვან“ ზრდას ელოდება და კორექტირებულ EBIT-ს მინიმუმ 2.6 მილიარდი ევროს ფარგლებში პროგნოზირებს.
Lufthansa-ს საბაზრო ღირებულება მიმდინარე წლის დასაწყისიდან 15,4%-ით დაეცა და 7,9 მილიარდ ევრომდე შეადგინა, ხოლო გერმანული DAX ინდექსი ამ პერიოდში 7,2%-ით გაიზარდა.
